Муһәммәд әләйһиссаламға һақарәт қилған адәм һәҗ қилди

Мундин бир қанчә йил илгири голландийәдә бундин бир нәччә ай бурун силәргә пәйғәмбәр әләйһиссаламни һақарәт һәҗви филим ишлигән андруфан исимлик бир сәхсниң нами чиққан вә пүтүн дуня мусулманлири униңға ләнәт оқуған иди.

2013-Йили феврал ейида у кишиниң мусулман болғанлиқи вә сәуди әрәбистанға келип, пәйғәмбәр әләйһиссаламниң қәбрисигә берип өзиниң хаталиқлири үчүн әпу сориғанлиқи һәққидә хәвәрләр тарқалған иди.

Бу қетим у кишиниң һәҗ пәрзини ада қилғанлиқи һәққидә хәвәрләр тарқалди, сәуди әрәбистанниң гезитлиридә бу мавзуда көп мақалиләр йезилди. Шу мунасивәт билән бу мавзу һәққидә тәпсилий мәлумат елиш үчүн сәуди әрәбистан радиоси түрк бөлүминиң мудири устаз абдуләһәд һафиз һаҗимға мураҗиәт қилған идуқ.

Абдуләһәд һаҗим билән сөһбәт

Абдиләһәд һафиз һаҗим мундақ деди: “пәйғәмбәр әләйһиссаламни һақарәтләп һәҗви филим ишлигән голландийәлик андруфан исимлик кишиниң мусулман болғанлиқи вә мәдинә мунәввәрәгә келип пәйғәмбәр әләйһиссаламниң қәбрини зиярәт қилғанлиқиниң хәвирини бәргән идуқ. Мана әмди шу кишиниң бу йил һәҗ қилғанлиқини, мушу күнләрдә униң муқәддәс улуғ җайларда һәҗ ибадитини ада қиливатқанлиқни йәткүзүватимиз. Андрофан сәуди әрәбистанда чиқидиған ‛оказ‚ гезитигә бәргән баянатида, мәккә мукәррәмәгә кәлгәндин бери көз яшлири тохтимиғанлиқини, өзиниң һазир һаятидики әң қиммәтлик вақитни яшаватқанлиқини вә кәлгүсидә рәсулуллаһ сәлләллаһу әләйһи вәсәлләмниң гүзәл әхлақини тәсвирләп филим ишләйдиғанлиқини билдүрди. У йәнә йиллардин бери арзулиған нәрсисини вә өтмүш һаятида издигән нәрсисини исламдин тапқанлиқини, өткән һаятиға қарайдиған болса, өзини худди боран чапқунлар һәр тәрәпкә елип кетиватқан ирадисиз бир киши көридиғанлиқини, истиғфар ейтиш, дуа қилиш, өтмүш һаятидики хаталиқлирини әпу қилишини аллаһ тааладин тиләш үчүн һәҗгә кәлгәнликини ейтти.”

Андруфанниң арзуси

Абдуләһәд һафиз һаҗимниң йитишичә, андрофан сәуди әрәбистанниң “оказ” гезитигә бәргән баянатида йәнә мундақ дегән:
“бу мениң сәуди әрәбистанға биринчи қетим келишим әмәс, мән өткән феврал ейида өмрә қилиш үчүн кәлгән, бу улуғ җайларни зиярәт қилип көңлүм шундақ сөйүнгән, рәсулуллаһ сәлләллаһу әләйһи вәсәлләмниң қәбрә йенида көңлүмниң арам тапқанлиқини һес қилған идим. Аиләм вә ишим сәвәблик рәсулуллаһниң қәбриниң йенида яшаштин мәһрум болдум. Мән әслидә голландийәдә исламниң әң әшәдди дүшмини болған радикал партийә әзаси идим, өзүм көп оқуйдиған вә көп тәтқиқ қилидиған адәм болғанлиқим үчүн оқуш җәрянида исламни тонудум алланиң қәлбидә иман нурини йорутуши билән мусулман болғанлиқимни елан қилдим вә мусулманлардин болдум. Мана әмди пәрз һәҗниму ада қилдим. Мени бу есил динға һидайәт қилған рәббимгә көп миннәтдарлиқ билдүримән, униңға көп шүкүр ейтимән.”