Se'udi erebistandiki Uyghurlar bir wetenperwer alimidin ayrildi

Uyghur élidin hijret qilip se'udi erebistan'gha kélip yerliship qalghan Uyghurlarning sani shu waqitlarda se'udi erebistanda yerliship qalghan bashqa milletlerning sanidin elwette köp ikenlikini péshqedem Uyghurlar sözlimekte.

Uyghurlarning ana wetinidin ayrilip se'udi erebistanda eng köp yerleshken waqti 1949-1950-yilliri iken. Shu waqitta kélip yerleshken Uyghurlardin birinchi ewlad Uyghurlarning mutleq köp sanliqi asasen ölüp tügigen. Hazirqilardin péshqedem sanalghanliri peqet ikkinchi ewlad Uyghurlardur. Shundaqtimu birinchi ewlad Uyghurlardin uzun ömür körgen beziliri bügün'giche yashighan.

Mesilen: ötken hepte 10-ayning 20-küni medine munewwere shehiride wapat bolghan ehmed toxti hajim shundaq birinchi ewlad péshqedemliridin biri idi. Merhum ehmed toxti hajim chet'ellerde diniy ilim tehsil qilghan we Uyghurlar üchün xizmet qilghan ezimetlerdin biri iken. Bu kishi ötken esirning 80-yillirida se'udi erebistan radi'osining Uyghur bölümide diktor bolup ishligen we késel sewebi bilen ishtin chiqip ketken iken. Bu kishi wapat bolghinida yéshi toqsandin ashqan iken.

Merhum ehmed toxti hajim toghriliq melumat élish üchün se'udi erebistanning mekke mukerreme shehiridiki wetenperwer ustaz sirajidin ezizige muraji'et qilghan iduq.

Yuqiridiki awaz ulinishidin, sirajidin ezizi bilen élip barghan söhbitimizni diqqitinglargha sunimiz.