Shiwétsiyediki Uyghurlar roza héyt namizini birlikte oqudi

Ixtiyariy muxbirimiz éhsan
2016-07-06
Share
shiwetsiye-roza-heyit-namaz.jpg Sitokholm shehirining rnkibiy rayonidiki meschitte shiwétsiyediki Uyghurlar roza héyt namizi ötimekte. 2016-Yili 5-iyul, shiwétsiye.
RFA/Éhsan

Shiwétsiyediki Uyghurlar shimaliy yawropa islam birlikining qarari boyiche, 5-iyul küni shiwétsiyede pa'aliyet qiliwatqan teklimakan islam medeniyet merkizining orunlashturushi bilen sitokholm shehirining rnkibiy rayonidiki meschitte rozi héyt namizini birlikte oqudi.

Bügünki rozi héyt namizigha shiwétsiyening paytexti sitokholm we etrapidiki sheherlerdin bolup 100 din artuq kishi qatnashti.

Roza héyt namizidin kéyin, teklimakan islam medeniyet merkizining mes'uli ömer mexsum janabi allahdin xitay türmiliride yétiwatqan Uyghurlarning tézrek türmidin qutulup, diniy we siyasiy hoquqining pat yéqinda eslige kélishini, hayatidin ayrilghan Uyghurlarning a'ile-tawabi'atlirigha sebir bérishini tilep du'a qildi.

Ziyaritimizni qobul qilghan Uyghur ma'arip uyushmisining re'isi abdulla ehet aldi bilen pütün Uyghurlarning roza héytini tebriklep, bügünki héyt namizi oqush ehwalini anglitish bilen birge, "5-Iyul" ürümchi weqeside hayatidin ayrilghanlarning a'ile-tawabi'atlirigha allahdin sebir tileydighanliqini bildürdi.

Shiwétsiyede yashawatqan ziyaliylardin abbas ependi rozi héyt namizining qizghin keypiyat ichide oqulghanliqi, jama'etlishish hemde muhajirettiki Uyghurlarning jama'etliship yashishining ehmiyiti heqqide toxtaldi.

Namazdin kéyin Uyghur jama'iti bir-biri bilen quchaqliship héytlirini tebrikleshti.

Arqidin Uyghur ma'arip uyushmisi teripidin balilargha teyyarlan'ghan héytliq sowghatlar tarqitip bérildi. Kéyin jama'et birlikte öymu-öy bérip héyt petisi qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet