Shiwétsiyediki Uyghurlar héyt namizini yéngi meschitide birlikte oqudi

Ixtiyariy muxbirimiz éhsan
2016-09-14
Share
shiwetsiye-qurban-heyt-namaz.jpg Shiwétsiyediki Uyghurlar qurban héyt özlirining meschitide ötimekte. 2016-Yili 12-séntebir, sitokholm.
RFA/Éhsan

Shiwétsiyediki Uyghurlar qurban héyt namizini özlirige tewe bolghan meschitide 12-séntebir küni shu yer waqti 7:00 de birlikte oqudi.

Qurban héyt namizigha sitokholm we bashqa sheherlerde yashawatqan Uyghurlardin bolup 150 din artuq kishi qatnashti.

Uyghur meschitining imami ömer mexsum qurban héyt namizi xutbiside qurban qilishning heq yolda pidakarliq körsitish ikenlikini, héchkim pidakarliq körsetmey, allahning yardimige érishelmeydighanliqini, ibrahim eleyhissalamning qur'anda sözlen'gen qissisini bayan qilish arqiliq jama'etke éniq chüshendürdi.

Qurban héyt namizidin kéyin, jama'et ömer mexsumning yétekchilikide wetini üchün, Uyghurlarning milliy we diniy heq-hoquqliri üchün jénini qurban qilghan shéhitlarning rohigha atap du'a-tilawetler oquldi. Xitayning qarangghu zindanlirida yétiwatqan weten oghlanliri we ularning a'ile tawabi'atlirigha allahdin sebir tilidi.

Shiwétsiyediki Uyghur meschitining bina qilinishi üchün maddiy we meniwi jehettin qollap quwwetligen Uyghurlar üchün ularning a'ilisige beriket, özlirige salametlik, xatirjemlik heqqide du'alar qilindi.

Ziyaritimizni qobul qilghan Uyghur meschitining imami ömer mexsum pütün dunyadiki musulmanlarning hemde wetini ichi-sirtidiki Uyghurlarning qurban héytini mubareklesh bilen birge, qurban héyt namizining nahayiti ghelibilik oqulghanliqini anglatti.

Ziyaritimizni qobul qilghan shiwétsiye Uyghur ma'arip uyushmisining re'isi abdulla kökyar özining qurban héyt namizidin hés qilghanlirini bayan qildi.

Namazdin kéyin öz-ara qol éliship körüshüp, bir-birlirining héytini mubarekleshken jama'et xushal keypiyatta hal-mung bolushti hemde chonglarning, aghriq-silaqlarning, yitimlarning a'ilisige héyt petisi qilish üchün yürüp ketti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet