Namayishchilar xitayning enqere elchixanisi aldida iptar qilip, diniy bésim siyasitige naraziliq bildürdi

Namayishchilar xitayning enqere elchixanisi aldida namayish qilish we iptar yéyish arqiliq xitayning bésim siyasitige naraziliq bildürdi. 2014-Yili, iyul.

Islam dinining muqeddes éyi bolghan ramzan éyida xitay da'irilirining Uyghur élide rozi tutushqa cheklimiler qoyulghanliq xewiri tarqalghandin kéyin, buninggha naraziliq bildürüsh üchün xitay elchixanisi aldida iptar tamiqi yéyish usuli bilen naraziliq bildürüldi.

450 Ming ezasi bar bolghan türkiye kadirlar uyushmisi fondi bilen sherqiy türkistan medeniyet we hemkarliq jem'iyiti ortaqliship uyushturghan bu pa'aliyetke yene bezi ammiwi teshkilat mes'ulliri, Uyghurlarning dosti türkler, iraqliq türkmenler we enqerede yashawatqan Uyghurlardin bolup köp sanda kishi qatnashti. Kishiler iptar tamiqi yéyishke bir sa'et qalghanda xitay elchixanisi aldigha yighilip, qoligha “Xitay Uyghurlarning rozi tutushini chekligen” dégendek sho'arlar yézilghan lozunkilarni kötürgen halda turushti. Kéyin bu pa'aliyetni uyushturghan kadirlar uyushmisi fondining mes'uli afshin xatipoghlu ependi bilen sherqiy türkistan medeniyet we hemkarliq jem'iyiti bashliqi xeyrullah efendigil ependiler muxbirlargha bayanat bérip, xitayning diniy siyasitini tenqid qildi.

Köp sanda muxbirlargha bérilgen bu metbu'at bayanatidin kéyin namayishchilar xitay elchixanisi aldida olturup, iptar tamaqlirini yéyishkendin kéyin tarqilip kétishti.

Neq meydanda bu pa'aliyetke qatnashqanlargha mikrofonimizni uzattuq.