Mubarek üch ay munasiwiti bilen sherqiy türkistan énformatsyon merkizide sériq buya weqeside shéhit bolghanlargha du'a oqutulghan

4 - Ayning 15 - küni islam dinidiki mubarek üch ayning bashlinishi munasiwiti bilen gérmaniyening du'isburg shehiride pa'aliyet élip bériwatqan sherqiy türkistan énformatsyon merkizide sériqbuya weqeside shéhit bolghan Uyghurlarning rohigha atap qur'an oqutuldi.

Bu pa'aliyetke du'isburg sheherlik hökümet tarmiqidiki uyum parlaméntining bashliqi shewket awji ependi we bu sheherde pa'aliyet élip bériwatqan türk ammiwiy teshkilatlirining mes'ulliri qatnashqan. Uyum parlaménti yani köchmenler parlaménti bashliqi shewket awchi ependi sériqbuya weqesige qattiq échin'ghanliqini, parlamént bashliqi bolush süpiti bilen pütün Uyghur xelqidin sewir tileydighanliqini bayan qilghan. U axirida abdujélil qaraqashning teleplirini anglighandin kéyin, sherqiy türkistanliqlar üchün qolidin kelgenche yardem qilidighanliqini bildürdi.

Töwende, bu heqte abdujélil qaraqash ependi bilen élip barghan söhbitimizni anglanglar.