Xitay hökümitining neziride qanunsiz diniy pa'aliyetning 26 türlük ipadisi

Yéqinda meripet tor békitide “Xitay hökümitining neziride qanunsiz diniy pa'aliyetning 26 türlük ipadisi” dégen témida bir maqale élan qilin'ghan bolup, maqalide xitay hökümiti qanunsiz diniy pa'aliyet dep belgiligen maddilarning hemmisini eynen bayan qilip ötken.

Ular töwendikiche:

1. Dindin paydilinip jem'iyet tertipige tesir yetküzüp, döletning ma'arip tüzümige kashila peyda qilish, memuriyet, edliye, pilanliq tughut siyasiti we miras bölüshüsh hem dölet menpe'itige hemde puqralarning qanunluq hoquq-menpe'itige ziyan yetküzüsh qilmishliri.
2. Bashqilarning diniy étiqad erkinlikige ariliship, din'gha étiqad qilish, roza tutush, namaz öteshke zorlash yaki din'gha étiqad qilishqa mejburlash, roza tutushni bahane qilip ammining normal ishlepchiqirish, tijaret we ijtima'iy pa'aliyetlirige arilishish, ayallarni meschitke kirip namaz öteshke, chümbel tartishqa zorlash qilmishliri.
3. Wetenperwer diniy teshkilat teklip qilmighan, din dersi ötüsh salahiyet guwahnamisi yoq xadimlarning diniy pa'aliyetlerni teshkillep, riyasetchilik qilish, diniy murasim ötküzüsh qilmishliri.
4. Testiqlatmay turup diniy pa'aliyet sorunidin bashqa yerlerde diniy pa'aliyet teshkilligen diniy xadimlar we din'gha étiqad qilghuchi amma, diniy pa'aliyet sorunidin bashqa yerde dinni teshwiq qilghan, toyin dini eqidilirini sözligen, topliship diniy pa'aliyet qilghan qilmishlar.
5. Testiqlatmay turup bashqa jaydin öz béshimchiliq bilen diniy xadimlarni teklip qilghan jümlidin ichki ölkilerdin diniy xadimlarni aptonom rayonimizgha teklip qilip, diniy pa'aliyet ötküzgen qilmishlar.
6. Özini diniy ehkamlarni terghib qilghuchi dewélip, öz meyliche murit yétishtürgen, öz béshimchiliq bilen pop boluwélip, chet el diniy teshkilatlirining wezlirini qobul qilghan qilmishlar.
7. Qanunsiz din ögitish sinipi (nuqtisi), monax, té'ologiye sinipi achqan, testiqlatmay turup shexsiy din ögetken qilmishlar.
8. Testiqlatmay turup, her derijilik türlük mektepler we gheyriy ma'arip apparatlirida din dersi tesis qilghan yaki diniy pa'aliyet bilen shughullan'ghan qilmishlar.
9. Quramigha yetmigenlerni mekteplerde namaz öteshke, roza tutushqa zorlighan, küshkürtken, qanat astigha alghan, oqushtin waz kéchishke zorlighan qilmishlar.
10. Nikahlinish guwahnamisi almay turup “Nikah” oqutushtek diniy murasim arqiliq toy qilghan, nikahtin ajrishish resmiyitini qanun boyiche ötimey “Üch talaq” qilish usuli bilen nikahtin ajrishishqa arilishish qilmishliri.
11. Bikar qilin'ghan diniy, fé'odalliq imtiyaz we ékspilatatsiye tüzümini eslige keltürgen yaki shekli özgergen halda eslige keltürüp, “Pop” larni warisliq qildurghan, almashturghan, axunlarni ewetken, diniy ders öshre-zakiti yighqan qilmishlar.
12. Diniy pa'aliyet sorunlirigha yuqiri awazliq kanay ornitip diniy pa'aliyet qilghan, da'im diniy pa'aliyetlerge arilashqan qilmishlar.
13. Toy, depne murasimi we a'ile yighilishlirigha hemde “Meshrep” lerge qatnishishtin paydilinip “Tebligh” qilghan, diniy eqidilerni terghib qilghan qilmishlar.
14. “Halal” bilen “Haram” ni destek qilip, diniy radikal idiyelerni terghib qilip, normal diniy pa'aliyetlerge arilashqan qilmishlar.
15. Ichkiridiki qanunsiz diniy teshkilatlargha xadim ewetip, gholluq xadimlarni terbiyilesh we meblegh bilen teminlesh usulliri arqiliq aptonom rayonimizdiki din'gha étiqad qilghuchilarni öz yénigha tartqan, mexpiy küchlerni terbiyilep, qanunsiz diniy teshkilat qurghan qilmishlar.
16. Testiqlatmay turup öz béshimchiliq bilen “Erwahi almashqan lama” ni izdigen hemde rayon atlap erwahi almashqan balini izdigen, békitken qilmishlar.
17. Oxshashmighan dinlar arisida qesten xiris peyda qilip, oxshashmighan mezhepler arisida majira shekillendürüp, chataq chiqarghan qilmishlar.
18. Testiqlatmay turup qanunsiz diniy neshr buyumliri we ün-sin buyumlirini tehrirligen, terjime qilghan, neshr qilghan, basqan, köpeytken, ishligen, tarqatqan, satqan, terghib qilghan qilmishlar.
19. Testiqlatmay turup reqemlik neshr, intérnét, yanfon, zapas shara'itliq axbarat wasitiliridin paydilinip dinni teshwiq hem terghib qilghan qilmishlar.
20. Sün'iy hemrah qobullighuchi eslihelerdin qanunsiz paydilinip, chégra sirtidiki diniy radi'o-téléwiziye programmilirini anglash, körüsh, terghib qilish qilmishliri.
21. Memliket xaraktérlik diniy ömekni öz béshimchiliq bilen teshkilligen hem hej tawap qilishqa mes'ul bolghan qilmishlar.
22. Testiqlatmay turup öz béshimchiliq bilen chégra sirtidiki teshkilat yaki shexsning we chégra ichidiki qanunsiz diniy teshkilatning diniy xaraktérlik i'anisini qobul qilghan qilmishlar. Mesilen: tarqaq hej
23. Testiqlatmay turup, öz béshimchiliq bilen dölet ichi-sirtidiki diniy teshkilatning terbiyilesh hem türlük yighinlirigha qatnashqan, öz béshimchiliq bilen dölet (chégra) sirtidiki diniy teshkilat bilen alaqiliship, diniy pa'aliyet we bérish-kélish qilghan, chégra ichidiki qanunsiz diniy teshkilatning terbiyilesh hem türlük yighinlirigha qatnashqan qilmishlar.
24. Chégra sirtidiki teshkilat hem shexsler bilen tijaret, sayahet, din öginish, oqushqa bérish, medeniyet almashturush, apetke uchrighan rayon'gha we oqushqa i'ane bérish, namratlarni yölesh, késellikning aldini élish-dawalash qatarliq namlar bilen dinni terghib qilghan qilmishlar.
25. Tizimlatmay yaki testiqlatmay öz aldigha pa'aliyet nuqtisi tesis qilghan, testiqlatmay diniy pa'aliyet sorunlirini salghan, kéngeytken, özgertip salghan yaki bashqa qurulushlarni diniy pa'aliyet sorunigha özgertken, meblegh sélishni bahane qilip, ibadetxana, meschitlerni kéngeytken qilmishlar.
26. Testiqlatmay turup diniy pa'aliyet sorunlirining sirtigha chong tiptiki diniy heykellerni turghuzush qilmishliri.