Қәшқәрдә рамизан мәзгилидә ресторан вә чайханилар мәҗбурий ечилған

13-Июн норвегийәниң ослодики уйғур ислам мәдәнийәт мәркизигә қәшқәрдики бир қисим аһалиләр учур йоллап, нөвәттә қәшқәр шәһәрлик һөкүмәтниң оқуғучиларни роза тутқузмаслиқ рамизан мәзгилидә ресторан, чайханиларни тақимаслиқ тоғрисида бир қатар тәдбирләрни қолланғанлиқини инкас қилған.

Ослодики уйғур ислам мәдәнийәт мәркизиниң устазлиридин бири турғунҗан әмәт зияритимизни қобул қилип мәзкур инкас һәққидә қисқичә тохтилип өтти.

Биз норвегийә осло уйғур ислам мәдәнийәт мәркизиниң учуриға асасән қәшқәр дөләт бағ оттура мәктәп вә қәшқәр шәһәрлик 7-башланғуч мәктәпкә телефон қилип бу һәқтә мәлумат игилимәкчи болған болсақму бирақ, иккила мәктәп телефонимизни пәқәтла қобул қилмиди.

Биз қәшқәрдики ресторан вә чайханиларниң әһвалини игиләш үчүн алди билән қәшқәр тахта көврүктики шаһ нәзәр рестораниға телефон қилип бу һәқтә учур игилидуқ.

Биз йәниму илгирилигән һалда әтраплиқ мәлуматқа еришиш үчүн қәшқәр партийә мәктәп йенидики алтунҗан чайханисиға телефон қилип бу һәқтә сөһбәт елип бардуқ.

Мәлум болушичә, хитай һөкүмити 1995-йилидин башлап уйғур елида рәсмий йосунда уйғурларниң рамизан ейидики диний паалийәтлирини чәкләшни йолға қойғандин буян, изчил һалда һазирғичә охшимиған сиясәт вә бәлгилимиләрни түзәп кәлмәктә.

Юқириқи аваз улинишидин тәпсилатини аңлаң.