Xoten kériyening siyek yézisida bir ayal tutqunning ölgenliki ashkarilanmaqta

Ijtima'iy taratqularda birqanche kündin béri kériyening siyek yézisida bir ayal tutqunning ölgenliki heqqide uchur tarqalmaqta. Uchurda bayan qilinishiche, Uyghur rayonida yéngidin belgilen'gen diniy cheklimilerni kériyening siyek yézisida ijra qilish dawamida ahaliler bilen saqchilar arisida arqa-arqidin tirkishish we toqunush ehwalliri kélip chiqqan, aqiwette mushu ayning 8-küni bir ayal tutqun hayatidin ayrilghan. Emma uchurda ölgüchining kimliki we ölümni keltürüp chiqarghan konkrét seweb bayan qilinmighan.

Muxbirimizning bu yip uchigha asasen igilishiche, siyek yézisida yéqinqi 6 ay ichide 50din artuq yash siyasiy we diniy seweb bilen tutqun qilin'ghan, nöwette nahiyilik qamaqxanida tutup turuluwatqan bu tutqunlarning ichide 4 nepiri ayal. Muxbirimizning ziyaritini qobul qilghan yéziliq saqchi xadimliri we kent mes'ulliri, siyek yézisining kökmet kentidin bolghan bir ayal tutqunning ölgenlikini ashkarilidi. Emma, bularmu ayalning kimliki we ölümining sewebi heqqide melumat bérelmidi.

Awaz ulinishidin muxbirimizning bu heqte igiligen uchurlirini anglighaysiler.