Yaponiyediki Uyghurlar roza héytni kütüwaldi

5-Iyul yaponiyediki Uyghurlar her qaysi ölke we sheherlerdiki meschitlerge jem bolup héyt namizini tamamlap, bu yilqi roza héyt bayrimini qizghin kütüwaldi.

Tokyodiki meshhur qedimiy meschitlerdin biri bolghan türk jameside roza héyt namizini tamamlighan yaponiye Uyghur birliki teshkilatining re'isi doktor turmuhemmet hashim ziyaritimizni qobul qilip yaponiyediki we shundaqla dunyaning bashqa jaylirida hijrette yashawatqan Uyghurlarning roza héytini chin dilidin tebrikleydighanliqini bildürdi.

Doktor turmuhemmet hashim Uyghurlarning héyt namazliridin kéyin qebre yoqlashtin ibaret bu en'enisi boyiche tokyodiki bir qisim Uyghurlarning topliship, tama qebristanliqidiki 1933-yili qeshqerde qurulghan sherqiy türkistan islam jumhuriyitining herbiy qomandani général mehmut muhitining akisi musil haji muhiti we mehmut muhitining ordu til terjimani turdi begzade qatarliq Uyghur mötiwerlirining qebrisini yoqlaydighanliqini éytti.

Yaponiyening saytama ölkiside hijrette yashawatqan Uyghur ziyaliyliridin ghalip mijit ziyaritimizni qobul qilip barliq wetendashlirigha özining héytliq salimini yollidi.

Uyghur xanim-qizliridin gülistan ezizi bu yilqi roza héyt bayrimining 2009-yili ürümchide yüz bergen 5-iyul weqesi xatire künige toghra kelgenlikini bildürüp roza héytni tebriklesh bilen birge 5-iyul weqesini qayghu bilen esleydighanliqini ilgiri sürdi.

Uyghur ziyaliysi ghalip mijit roza héytin ibaret bu diniy bayramning inaqliqni we ittipaqliqni ilgiri süridighan yétiliwatqan perzentlerge qérindashliq we dostluq méhrini ögitidighan yaxshi bir ders ikenlikini bildürdi.

Gülistan ezizi yene roza héyttin ibaret bu bayramning a'iliwi balilar terbiyisidiki roli heqqidimu qisqiche toxtaldi.

Yuqiriqi awaz ulinishidin tepsilatini anglang.