Dolqun eysa: "Bu yil barin inqilabining 30 yilliqini qelbimizde xatirileymiz"

Ixtiyariy muxbirimiz ekrem
2020-04-03
Share
germaniye-namayish-dolqun.jpg Xitay konsulxanisi aldida ötküzülgen xitaygha qarshi namayish. 2013-Yili 5-aprél, myunxén.
RFA/Ekrem

Muhajirettiki Uyghurlarning "Barin inqilabi" ning 30 yilliqini namayish bilen xatirilesh pa'aliyetliri omumyüzlük emeldin qalduruldi.

Dunya Uyghur qurultiyi 3-aprél küni axbarat élan qilip korona wirusi seweblik dunyaning herqaysi jayliridiki Uyghurlarning "Barin inqilabi" ning 30 yilliqini namayish bilen xatirilesh pa'aliyetlirining birdek emeldin qaldurulghanliqini bildürdi.

Axbaratta "Dunya Uyghur qurultiyi bolush süpitimiz bilen barin inqilabining 30 yilliqini pütün dunya miqyasida keng kölemde xatirileshni pilan qilghan iduq. Epsuski, xitayning wuxen shehiridin dunyagha yamrighan korona wirusi sewebidin bu yil tunji qétim barin inqilabini kolléktip halda xatirileshtin mehrum qalduq. Bu xil tragédiye hemmimizning yürikini chongqur azablaydu!" déyilgen. Axbaratta yene barin inqilabi toghrisida toxtilip, mundaq déyilgen: "Hemmimizge melum bolghinidek, wetinimiz sherqiy türkistanning barin yézisida 1990-yili 4-ayning 5-küni zeydin yüsüp bashchiliqidiki wetenperwer oghlanlirimiz xitay kommunist hakimiyitining xelqimizge séliwatqan dehshetlik éghir zulumi, siyasiy bésimi, irqiy kemsitishi, milliy we diniy jehettiki yoqitish siyasitige qarshi qozghilip, Uyghur xelqining we jenggiwar ejdadlirimizning zulumgha we mustemlikichilerge tiz pükmeydighan küreshchan rohini namayan qilghan idi."

Axbaratta yene "Barin inqilabi, wetinimiz sherqiy türkistanda xitay mustebitlirining fashistliq hökümranliqini aghdurup tashlap, sherqiy türkistan xelqining erkinliki, musteqilliqini qolgha keltürüsh ghayisi bilen otturigha chiqqan shanliq bir inqilab idi. Shundin buyan barin inqilabi Uyghur musteqilliq herikitining ilham menbesige aylandi. Sherqiy türkistan xelqining erkinlik iradisining menggü sunmaydighanliqini dunyagha jakarlidi," déyilgen.

D u q re'isi dolqun eysa ependi bu heqte toxtalghanda dunyagha apet boluwatqan korona wirusining d u q ning nurghunlighan pa'aliyetlirini emeldin qaldurushigha seweb bolghanliqini eskertti. U sözide muhajirettiki Uyghurlarning bu yil barin inqilabini qelbide xatirileydighanliqini tilgha aldi.

D u q ning mu'awin re'isi perhat muhemmidi ependi muhajirettiki Uyghurlarning 30 yildin buyan tunji qétim barin inqilabini türlük shekillerde xatirilesh pa'aliyitini ötküzüshtin mehrum qalghanliqini bayan qildi.

Gérmaniyening myunxén shehiridiki "Yawropa sherqiy türkistan birliki" her yili barin inqilabini xatirilesh namayishi ötküzüshni adetke aylandurghan bolup, mezkur teshkilatning re'isi esqerjan ependi bu yil korona wirusi seweblik bu namayishni ötküzelmeydighanliqini tekitlidi.

Barin inqilabini her yilqi xatire künliride sheher merkizide mexsus gülchembirek tizip özgiche usulda xatirilep kelgen gollandiyening rottérdam shehiridiki Uyghur ziyaliysi zeynidin ependimu bu yil bu pa'aliyetni ötküzüshtin mehrum qalghan.

Yillardin buyan barin inqilabini xatirilesh namayishini izchil dawamlashturup kelgen norwégiye Uyghur komitétimu bu yil korona wirusi seweblik paytext osloda ötküzmekchi bolghan zor namayishni bikar qilghan. Mezkur teshkilatning re'isi bextiyar ömer ependi bu heqte qarashlirini izhar qilip ötti.

D u q 3-aprél élan qilghan axbaratini "Barin inqilabi bügünki zaman tariximizdiki milliy kürishimizning ilham buliqi, Uyghur xelqi bu shanliq küresh dastanini ebediy iptixarlinish tuyghusi ichide yad étidu we zeydin yüsüp bashchiliqidiki eziz shéhitlirimizning küresh iradisige sadiqliq bilen warisliq qilidu!" dégen jümle bilen axirlashturghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.