Dolqun eysa amérikaning gérmaniyediki bash elchisi richard grénél bilen körüshti

Ixtiyariy muxbirimiz ekrem
2019-07-04
Élxet
Pikir
Share
Print
D u q ning re'isi dolqun eysa ependi amérikaning gérmaniyediki bash elchisi richard grénél ependi bilen ayrim körüshti. 2019-Yili 3-iyul, bérlin, gérmaniye.
D u q ning re'isi dolqun eysa ependi amérikaning gérmaniyediki bash elchisi richard grénél ependi bilen ayrim körüshti. 2019-Yili 3-iyul, bérlin, gérmaniye.
RFA/Ekrem

Dunya Uyghur qurultiyining re'isi dolqun eysa ependi bérlinda amérikaning gérmaniyediki bash elchisi richard grénél ependi bilen ayrim körüshüp, söhbet élip bardi.

Amérikaning gérmaniyediki elchixanisining teklipi bilen 3-iyul küni d u q re'isi dolqun eysa paytext bérlin'gha bérip, bash elchi richard grénél ependi bilen bir sa'etke yéqin söhbet élip barghan.

Söhbet muqeddimiside dolqun eysa ependi amérika bash elchisige Uyghur diyarining nöwettiki weziyiti we nuqtiliq halda jaza lagérliri mesilisi shundaqla d u q toghrisida melumat bergen. Bash elchi sözide Uyghurlar mesilisining özige natonush emeslikini, Uyghurlarning omumiy weziyitini yéqindin közitip kéliwatqanliqini, jaza lagérliri mesiliside özining qolidin kélishiche herikette bolidighanliqini ipade qilghan.

Dolqun eysa bu söhbette sherqiy türkistanda jaza lagérliri mesilisi otturigha chiqqandin kéyin amérika hökümitining bu mesilige jiddiy mu'amile qilip kelgenlikini, xitayning jaza lagérlirigha qarshi aktip pa'aliyette boluwatqan amérika rehberlirige özining d u q we sherqiy türkistan xelqi namidin rehmet éytidighanliqini bildürgen.

U sözide yene amérika hökümiti we rehberlirining Uyghurlargha bolghan hésdashliqi hem jaza lagérlirigha qarshi mu'amilisining yalghuz éghiz herikiti bilenla cheklinip qalmay xitayni jazalaydighan emeliy tedbirlerge muraji'et qilishini shundaqla amérika awam palatasigha sunulghan Uyghurlargha munasiwetlik qanunlarni amérika hökümitining bir kün bolsimu baldurraq maqullishini ümid qilidighanliqini otturigha qoyghan. Bash elchi richard ependi bolsa Uyghurlar mesilisining amérikaning tashqi siyasitidin orun alghanliqini, amérika hökümitining Uyghurlarning weziyitini dawamliq yéqindin közitip turidighanliqini tekitligen.

Dolqun eysa ependining bildürüshiche, jaza lagérliri mesilisini b d t ning kishilik hoquq kéngishidin halqitip b d t xewpsizlik kéngishige kötürüp chiqish d u q ning nöwettiki muhim, biraq emelge ashurushi qiyin pilanliridin biri iken. Emma uning tekitlishiche bu pilan emelge ashqan. Bu qétimqi amérika elchixanisida élip bérilghan söhbette amérika bash elchisi richard ependi "7-Ayning 2-küni b d t xewpsizlik kéngishi yighinida amérika bilen gérmaniyening birliship jaza lagérlirini derhal taqash toghrisida xitaygha qattiq bésim ishletkenliki" ni ashkarilighan.

Söhbet xatimiside bash elchi richard ependi özining jaza lagérliri mesiliside gérmaniyening munasiwetlik organliri bilen izchil körüshüp turuwatqanliqini, ular bilen hemkarliship Uyghurlar weziyitige köngül bölüshning özining insaniy burchi ikenlikini eskertken.

7-Ayning 4-küni amérika musteqilliqining 243-yilliq xatire küni bolup, gérmaniye paytexti bérlindiki amérika elchixanisimu bu künni chong murasim bilen xatirileydiken. Murasimgha herqaysi döletlerning elchiliri, diplomatlar, dölet erbabliri qatnishidiken. D u q re'isi dolqun eysa ependimu Uyghurlargha wakaliten bu murasimgha alahide teklip qilin'ghan. U bügün ötküzülidighan bu murasimda köpligen döletlerning elchilirige Uyghurlar mesilisini tonutush pursitige érishidiken.

Toluq bet