D u q qurulghanliqining 20 yilliqini xatirilesh murasimi resmiy bashlandi

Washin'gtondin muxbirimiz irade teyyarlidi
2024.05.03
Duq-20-One-Erkin-Aliptekin

Dunya Uyghur qurultiyining sabiq re'isi erkin aliptékin sözlewatidu. 2024-Yili 3-may, myunxén erkin asiya radiyosi: sintash

Duq-20-One-Omer-Qanat

Dunya Uyghur qurultiyi ijra'iye komitétining re'isi we Uyghur kishilik hoquq qurulushining ijra'iye mudiri ömer qanat sözlewatidu. 2024-Yili 3-may, myunxén erkin asiya radiyosi: sintash

Duq-20-One-01

Dunya Uyghur qurultiyi qurulghanliqining 20 yilliqini xatirilesh murasimining körünüshi. 2024-Yili 3-may, myunxén erkin asiya radiyosi: sintash

Duq-20-One-Markus-Rinderspacher

Bawariye parlaméntining mu'awin re'isi markus rindérspakér sözlewatidu. 2024-Yili 3-may, myunxén erkin asiya radiyosi: sintash

Duq-20-One--Jiri-Oberfalzer.jpg

Chéx kéngesh palatasining mu'awin re'isi jiri obérfalzér (solda). 2024-Yili 3-may, myunxén erkin asiya radiyosi: sintash

Duq-20-One-Penpa-Tsering

Tibet sürgündiki hökümitining re'isi pénpa tséring sözlewatidu. 2024-Yili 3-may, myunxén erkin asiya radiyosi: sintash

Duq-20-One-04

Dunya Uyghur qurultiyi qurulghanliqining 20 yilliqini xatirilesh murasimining körünüshi. 2024-Yili 3-may, myunxén erkin asiya radiyosi: sintash

Duq-20-One-Peter-Heidt

Gérmaniye parlaméntining ezasi pétér hayd sözlewatidu. 2024-Yili 3-may, myunxén erkin asiya radiyosi: sintash

Duq-20-One-03

Dunya Uyghur qurultiyi qurulghanliqining 20 yilliqini xatirilesh murasimining körünüshi. 2024-Yili 3-may, myunxén erkin asiya radiyosi: sintash

Duq-20-One-05

Dunya Uyghur qurultiyi qurulghanliqining 20 yilliqini xatirilesh murasimining körünüshi. 2024-Yili 3-may, myunxén erkin asiya radiyosi: sintash

Dunya Uyghur qurultiyi (d u q) qurulghanliqining 20 yilliqini xatirilesh murasimi 3-may küni kechqurun bashlandi. Bu murasimgha dunyaning herqaysi qit'elirige jaylashqan 24 dölettin kelgen méhmanlar ishtirak qilghan bolup, yighin nahayiti qizghin keypiyat ichide bashlandi.

D u q ijra'iye komitétining re'isi ömer qanat ependi échilish murasimigha riyasetchilik qilghan bolup, u dunya Uyghur qurultiyining bu xatire künige kelgen méhmanlarni qizghin qarshi alidighanliqini bildürdi.

Ömer qanat ependining échilish nutqidin kéyin sehnige tunji bolup d u q ning sabiq re'isi erkin aliptékin ependi sözge teklip qilindi. U sözide dunya Uyghur qurultiyining qurulush sewebi, jeryani we nishanliri heqqide özining eslimilirini anglitip ötti.

Dunya Uyghur qurultiyi dunyagha kelgenlikining 20 yilliqini xatirilesh murasimigha Uyghurlardin sirt yene, nurghunlighan chet'ellik méhmanlarmu ishtirak qilghanidi. Yighinda gérmaniye bawariye parlaméntining mu'awin re'isi markus rayndéréyspakér (Markus Rinderspacher) , chéx parlaménti kéngesh palata ezasi jiri obérfalzér (Jiri Oberfalzer) we tibet sürgün hökümitining pirézidénti pénpa séring (Penpa Tsering) qatarliqlarmu ayrim-ayrim söz qildi.

Gérmaniye bawariye parlaméntining mu'awin re'isi markus rayndéréyspakér ependi pa'aliyetning échilish nutqini sözlidi. U murasim üchün gérmaniyege kelgen méhmanlarni qarshi élip “Qedirlik méhmanlar! hemminglarning Uyghurlarning mexpiy paytexti bolghan myunxén'gha kelgininglarni qarshi alimiz” dédi. Shuningdek Uyghurlarning myunxéndiki her sahede öz rolini jari qildurup, myunxén shehiri we gérmaniye üchün töhpe qoshup kéliwatqanliqini bildürdi.

U sözining dawamida dunya Uyghur qurultiyi qurulghanliqining 20 yilliqini xatirilesh pa'aliyitini jasaret we ishenchning belgisi, dep teswirlidi hemde bir türküm qehriman er-ayallar 20 yil awwal qurup chiqqan bu teshkilatning hazir dunyada Uyghurlarning dawasini qilidighan küchlük heriketke aylan'ghanliqini bildürdi.

U sözining axirida yene, Uyghurlar duch kéliwatqan bu éghir wehshiyliklerge dunyaning süküt qilmasliqi kérekliki, jümlidin öz döliti gérmaniye hökümitiningmu süküt qilish ornigha keskin we konkrét tedbir qollinishi kéreklikini eskertti. U özining Uyghurlargha téximu emeliy ish qilip bérish we hökümetning téximu keskin qedemlerni élishi üchün heriket qilidighanliqini bildürüp “Uyghurlar yalghuz emes! biz hemmimiz birlikte tiriship silerning erkinlikinglarni qolgha keltürimiz” dédi.

Arqidin gérmaniye parlaméntining ezasi pitir hayt ependi söz qildi. U sözide, dunya Uyghur qurultiyining teshkilchanliqi we izchilliqigha yuqiri baha berdi. U bu heqte toxtilip xelq'arada her xil siyasiy teshkilatlar mewjut bolsimu, emma d u q gha oxshash teshkillik we intizamliq, shundaqla izchil heriket qilip kéliwatqan bir teshkilatning asanliqche uchrimaydighanliqini tilgha aldi.

Chéx parlaménti kéngesh palata ezasi jiri obérfalzér ependi bolsa sözide d u q ning tughulghan künini tebriklidi. U sözide “Sherqiy türkistanda yüz bériwatqan wehshiylikler we mejburiy emgek izchil dawam qiliwatidu” dep körsitish bilen birge xitay hökümitining Uyghurlargha yürgüzüwatqanlirining irqiy qirghinchiliq ikenlikini, Uyghurlargha qarshi bu jinayetlerni sadir qiliwatqan jinayetchilerning choqum jazalinishi lazimliqini bildürdi. Uning bildürüshiche, nöwette chéx parlaménti del mushu sahe boyiche bir qanun layihesini maqullash üchün heriket qilmaqta iken.

Axirida tibet sürgün hökümitining re'isi siring ependi söz aldi. U sözide, nöwette xitaydin ibaret bu zor küchning peqet Uyghurlar we tibetlergila zulum qilip qalmay belki pütkül dunyagha tehdit peyda bolup otturigha chiqqanliqini, shundaq bolghanliqi üchün amérika we yawropa ittipaqi qatarliqlarning choqum Uyghurlar we tibetler bilen hemkarliship xitaygha taqabil turushi lazimliqini bildürdi. Uning pikriche, Uyghurlar we tibetler ularning ittipaqdashliri bolup, Uyghurlar we tibetlerning bir-biridin öginip, hemkarliqni ashurudighanliqinimu tekitlidi.

Her sahedin kelgen méhmanlarning nutuqliridin kéyin échilish murasimi Uyghurlarning medeniyet pa'aliyiti bilen qizghin keypiyat ichide dawam qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.