D u q qurulghanliqining 20 yilliqini xatirilesh murasimidin burun myunxénda zor namayish élip bérildi

Myunxéndin ixtiyariy muxbirimiz ekrem teyyarlidi
2024.05.03
duq-miyunxin-namayish-03 Dunya Uyghur qurultiyining re'isi dolqun eysa namayishta sözlewatqan körünüsh. 2024-Yili 3-may, myunxén
Erkin asiya radiyosi: ekrem

D u q qurulghanliqining 20 yilliqini xatirilesh murasimi 5-ayning 3-küni chüshtin burun dunyaning herqaysi elliridin gérmaniyening myunxén shehirige yétip kelgen Uyghurlar we mutexessislerning ishtirakida bashlandi. Bu qétimqi xatirilesh murasimi myunxén uniwérsitétida ötküzülgen “Uyghur irqiy qirghinchiliqining Uyghur ayallirigha körsetken pisxikiliq tesiri” namliq axbarat élan qilish yighini bilen resmiy bashlandi.

Myunxéndiki xitay konsulxanisi aldida xitayning irqiy qirghinchiliq jinayetlirige we shi jinpingning yawropa ziyaritige qarshi zor kölemlik birleshme namayish körünüshi. 2024-Yili 3-may, myunxén
Myunxéndiki xitay konsulxanisi aldida xitayning irqiy qirghinchiliq jinayetlirige we shi jinpingning yawropa ziyaritige qarshi zor kölemlik birleshme namayish körünüshi. 2024-Yili 3-may, myunxén
Erkin asiya radiyosi: ekrem

Chüshtin kéyin sa'et 14:45 din bashlap, myunxéndiki xitay konsulxanisi aldida xitayning irqiy qirghinchiliq jinayetlirige we shi jinpingning yawropa ziyaritige qarshi zor kölemlik birleshme namayish ötküzüldi. Bu namayishqa herqaysi ellerdin kelgen köp sandiki Uyghurlar qatnashti. D u q re'isi dolqun eysa ependi namayishta qilghan sözide, bu namayishning meqsitining xitay konsulxanisi arqiliq Uyghurlarning awazini béyjinggha yetküzüsh ikenlikini tekitlidi.

Qazaqistandin kelgen Uyghur moysipitliridin qehriman ghojamberdi ependi bu namayish heqqide toxtalghanda, shi jinpingning 5-may bashlinidighan yawropa ziyaritige qarshi 20 din artuq dölettin kelgen Uyghurlarning serxilliri birlikte ötküzüwatqan bu namayishtin tolimu hayajanlan'ghanliqini tilgha aldi. Amérikadin kelgen doktor rishad abbas ependimu ziyaritimizni qobul qilip, buning sherqiy türkistan dewasi musapisidiki tarixiy bir weqe bolghanliqini eskertti.

Myunxéndiki xitay konsulxanisi aldida xitayning irqiy qirghinchiliq jinayetlirige we shi jinpingning yawropa ziyaritige qarshi zor kölemlik birleshme namayish körünüshi. 2024-Yili 3-may, myunxén
Myunxéndiki xitay konsulxanisi aldida xitayning irqiy qirghinchiliq jinayetlirige we shi jinpingning yawropa ziyaritige qarshi zor kölemlik birleshme namayish körünüshi. 2024-Yili 3-may, myunxén
Erkin asiya radiyosi: ekrem

Türkiyedin kélip bu namayishqa ishtirak qilghan piroféssor alimjan inayet ependi bügünki namayish heqqide toxtalghanda, bu namayishning kölimi we tesirining bashqa namayishlardin zor derijide perqlinidighanliqini, öziningmu köp hayajanlan'ghanliqini bayan qildi. Yaponiyedin kelgen pelsepe penliri doktori muxter abdurahman ependimu öz tesiratlirini ipade qilip ötti.

Namayish bir sa'ettin artuq dawam qildi. Xitay konsulxanisining asminini “Uyghurlargha erkinlik!”, “Yashisun sherqiy türkistan!”, “Shi jinping térrorist! ” dégendek her türlük sho'arlar qaplidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.