Дуня уйғур қурултийи “шәрқий түркистан бесивелинған земин” намлиқ доклатини пүттүрди

Берндин ихтиярий мухбиримиз һәбибулла изчи тәйярлиди
2024.02.13
dolqun-eysa-kok-bayraq Дуня уйғур қурултийиниң рәиси долқун әйса 2022-йили җәнвәдә ечилған рәсим көргәзмисигә қатнашқан вақиттики көрүнүш. 2022-Йили, җәнвә
RFA/Hebibulla

Дуня уйғур қурултийиниң 9-феврал елан қилған баянатида билдүрүшичә, “шәрқий түркистанниң бесивелинған земин” икәнлики һәққидики доклатни тәйярлаш хизмити ахирлишип рәсмий тамамланған.

Мәзкур доклатни тәйярлашта хәлқаралиқ даңлиқ қануншунаслар, адвокатлар, тарихчилар, мутәхәссисләр қатнашқан болуп, буниң тәйярлиниши үчүн бирқанчә йил вақит сәрп қилинған.

 Биз бу доклатниң пүткәнлики мунасивити билән қурултай рәиси долқун әйсани зиярәт қилдуқ, у, радийо аңлиғучилар билән бу һәқтә көз қарашлирини ортақлишип, “шәрқий түркистанниң бесивелинған земин” икәнликини хәлқара қаидә-қанунлар арқилиқ испатлашниң әһмийити һәққидә тохтилип өтти.

Д у қ муавин рәиси пәрһат муһәммидиму әйни вақиттики қурултай иҗраийә комитетида қарар елинған үч басқучлуқ пилан вә бу доклатни тәйярлаш җәряни һәққидә қисқичә тохтилип өтти.

 Долқун әйса, хитай һөкүмитиниң йеқинқи бир нәччә йил ичидә, бир қанчә милйон уйғурни җаза лагерлири вә түрмиләргә солап, меңә ююш арқилиқ ассимилятсийә қилиш, бойсундуруш қәдимини тезлитиватқанлиқи вә униң бу сияситиниң мәзкур доклатта көрситилгәнликини билдүрди.

Пирофессор доктор пан валт пан белгийәдә чақирилған уйғур мунбиридә сөзләватиду. 2022-Йили пирага
Пирофессор доктор пан валт пан белгийәдә чақирилған уйғур мунбиридә сөзләватиду. 2022-Йили пирага
RFA/Hebidulla

 Долқун әйса йәнә, бу доклат тәйярлинип, елан қилинғандин кейин елип берилидиған хизмәтләр вә бу доклат арқилиқ йәтмәкчи болған нишан һәққидики көз қарашлирини ортақлашти. У, буниңдин кейинки дипломатийә саһәлиридә елип бармақчи болған истратегийәси һәққидиму тохтилип өтти;

 Дуня уйғур қурултийиниң баянатида билдүрүлүшичә,  “шәрқий түркистан бесивелинған земин” намлиқ мәзкур тәтқиқат доклати бу йил 5-айниң 3-күни германийәниң мюнхен шәһиридә өткүзүлидиған дуня уйғур қурултийи қурулғанлиқиниң 20 йиллиқини тәбрикләш мурасимида мәзкур пирограмминиң мәсуллуқини өз үстигә алған, даңлиқ қануншунас майкил пан валт тәрипидин пүтүн дуняға рәсмий йосунда елан қилинидикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.