En'gliye parlaméntida “5-Féwral ghulja qirghinchiliqi” tonushturulghan, shu küni londonda namayish élip bérilghan
2025.02.06
5-Féwral küni en'gliye paytexti londonda “5-Féwral ghulja qirghinchiliqi” munasiwiti bilen ikki pa'aliyet élip bérilghan. Shu küni chüshtin burun “Uyghur qirghinchiliqini toxtat” namliq teshkilatning xadimliri en'gliyening yéngidin saylan'ghan parlamént ezalirigha Uyghur irqiy qirghinchiliqi toghriliq melumat bergen. Buningda aldi bilen Uyghur qirghinchiliqining hazirqi zaman Uyghur tarixidiki eng paji'elik körünüshliridin biri bolghan “5-Féwral ghulja qirghinchiliqi” heqqide tepsiliy melumat bérilgen.
En'gliyediki “Uyghur qirghinchiliqini toxtat” teshkilatining re'isi, sen'etkar rehime mehmut xanim bu heqtiki tepsiliy melumatlarni anglarmenler bilen ortaqlashti.
En'gliye parlaméntida ötküzülgen bu pa'aliyette yéngidin saylan'ghan bezi parlamént ezaliri “Uyghur qirghinchiliqini toxtat” dégen pilakatlarni tutup, rehime xanim we uning etrapidiki Uyghur pa'aliyetchiler bilen söhbetleshken, süretke chüshken. Ular buningdin kéyin Uyghur qirghinchiliqini toxtitish üchün dawamliq küch chiqiridighanliqi heqqide wediler bérishken.
En'gliye parlaméntidiki bu pa'aliyettin kéyin, shu küni kechqurun yene xitayning londondiki elchixanisi aldida birleshme namayish élip barghan. “Uyghur qirghinchiliqini toxtat” teshkilatidin mahire bu namayish heqqide melumat bérip ötti.
Londondiki xitay elchixanisi aldida ötküzülgen namayishni “Uyghurlar bilen bille turush herikiti”, “En'gliye Uyghur jem'iyiti” we “Uyghur qirghinchiliqini toxtat” teshkilati qatarliq organlar birlikte orunlashturghan. Bu namayishqa Uyghurlardin bashqa yene Uyghurlarni qollaydighan yerlik en'gliyelikler we bir qisim démokratik teshkilatlarning ezalirimu qatnashqan. Rehime mehmut xanim shu künidiki namayish heqqidimu tepsiliy melumat berdi.
Rehime mahmut xanim 5-féwral küni en'gliye parlaméntida qilghan sözide munularni tekitligen: “Bügün ghulja qirghinchiliqigha 28 yil bolghan kün, Uyghur tarixida esla untup qalghili bolmaydighan, échinishliq bir xatire kün. 1997-Yili 2-ayda minglighan Uyghur yashliri ghulja kochilirida xitay saqchiliri we herbiy qisimlar teripidin rehimsizlerche basturuldi, nurghun kishiler öltürüldi we qolgha élindi. Bu paji'e adettiki bir weqe emes, belki xitayning Uyghurlar wetinide uzun muddetlik we izchil dawamlashturup kéliwatqan basturush herikitining bir qismi. Xitayning Uyghur xelqige qaratqan sistémiliq ziyankeshlik herikiti. Biz buninggha süküt qilmasliqimiz kérek! erkinlik we insaniy qedir-qimmetni söyidighan her bir kishining biz bilen bille turushini ümid qilimen!”
Köp körülgen xewerler
RFA
- Erkin asiya radiyosining meshghulati fédératsiye meblighining késilishi bilen toxtishi mumkin
- Türkiye soti tunji qétim, erkin abduweli isimlik Uyghurni xitaygha qayturup bérish qararini élan qildi
- Aqsuda rozidarlarning rozisini buzush yaki roza tutushqa imkan qoymasliq üchün ahaliler mejburiy emgekke sélin'ghan
- Turghunjan alawudun b d t da Uyghur irqiy qirghinchiliqi we xitayning diniy basturushlirini ereb tilida otturigha qoydi
- Mutexessisler: “Uyghur élidiki yuqumluq késelliklerning aldini élish bazisi lopnurdiki yadro sinaq bazisigha oxshap kétidu”
Köp körülgen xewerler
Tepsiliy xewer
- En'gliyelik yutubér körgen taqaqliq meschitler we roza tutush cheklen'gen Uyghurlar weziyiti diqqet qozghidi
- Xitaygha qayturulghan Uyghurlarni “Yoqlash” qa mangghan tayland wekiller ömiki agahlanduruldi
- Türkiye sot mehkimisining ikki Uyghurni xitaygha qayturush qarari heqqide inkaslar bildürüldi
- Amérika hökümiti we yawropa parlaméntining herikiti taylandning qélip qalghan Uyghurlarni qayturushini toxtitip qalalamdu?
- Mutexessisler:“Xitaygha xushxewer bolghan ishlar Uyghurlar üchün shum xewerdur”