Әнглийә-хитай мунасивәтлириниң яманлишип баридиғанлиқи мәлум

Мухбиримиз мәмәтҗан җүмә
2021-04-04
Share
Әнглийә-хитай мунасивәтлириниң яманлишип баридиғанлиқи мәлум Әнгилийә баш министири борис җонсон парламентниң төвән палатасида сөз қилмақта. 2021-Йили 10-март, лондон.
REUTERS

Кишилик һоқуқ паалийәтчилириниң илгири сүрүшичә, хитай дуняви кишилик һоқуқ өлчәмлиригә бузғунчилиқ қилишини давамлаштурувәрсә, әнглийә-хитай мунасивәтлири изчил һалда йирик һаләтни сақлап қалидикән яки яманлишип баридикән.

Йеқинда америка, әнглийә вә явропа әллири бирлишип хитайниң уйғурларға зиянкәшлик қилишини тохтитиш үчүн хитайға қарши җаза тәдбирлири елан қилған.

Әнглийәдин чиқидиған "експресс" гезитиниң хәвәр қилишичә, бу һәқтә тохталған кишилик һоқуқ паалийәтчиси филип балдвин буниң өткән 30 йилдин буян әнглийә вә явропа иттипақи хитайниң кишилик һоқуқ бузғунчилиқиға қарши елан қилған тунҗи җаза тәдбири икәнликни билдүргән.

У мундақ дегән: "мениң қаришимчә, хитай кишилик һоқуқниң дуняви өлчәмлиригә риайә қилишқа башлимайдикән, икки тәрәп мунасивәтлири изчил яманлишип маңиду."

У йәнә хитайниң уйғурларға зиянкәшлик қилишни давамлаштуруш арқилиқ вәзийәтни техиму яманлаштурғанлиқини билдүргән.

Хитайму өз әмәлдарлириға қаритилған җаза тәдбирлиригә өч елиш характерлик инкас қайтуруп, 9 нәпәр әнглийә пуқрасини оз ичигә алған нәччә он явропа дипломати вә тәтқиқат органлириға ембарго елан қилған иди.

Бу һәқтә тохталған флип балдвин хитай елан қилған бу хил ембарголарниң иғвагәрчилик һәрикитидин башқа нәрсә әмәсликини билдүргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт