“вал стрет журнили”: әнглийәниң хитай сөйгүси түгиди

“вал стрет журнили” баш мақалә елан қилип, әнглийәниң хитай сөйгүсиниң түгигәнлики илгири сүрди.

Мақалидә көрситишичә, әнглийә баш вәзири борис җонсон бу йил январда әнглийәниң 5 г тор қурулушни хитайниң хуавей ширкитигә һөддигә берип, әнглийәдики бир қисим шәхсләр вә вашингтон даирилирини хапа қилғанлиқини, әмма әнглийә хитай арисидики муһәббәтниң икки айдин кейинла түгигәнликини билдүргән. 

Мақалидә мундақ көрситилгән: “бейҗиң даирилири вухәндики корона вируси партлимиси мәсилисидә сахтипәзлик қилинғанлиқи сәвәблик әнглийәликләрниң хитайған болған ғәзипи барғанчә улғаймақта.”

Мақалигә қариғанда, хитайниң бу вирус партлимисини бир тәрәп қилишиға болған наразилиқлар, әнглийәниң йоруқи дәриҗилик сиясийонлири арисида көрүлушкә башлиған. 

Әнглийә ички кабинети вәзири майкел гров әнглийәниң корона вирусиға қайтурған инкасниң кечикип қелишиға хитай сәвәбчи икәнлики, хитайдин вирус вәзийити һәққидә кәлгән хәвәрләрниң мүҗмәликини ейтқан.

Әнглийә ташиқи ишлар вәзири доминк раб дүшәнбә күни корона вирусидин савақ алғанлиқини билдүргән. 

Униңдин башқа әнглийә парламент әзалириму хитайниң мәзкур вирусқа қайтурған инкасиға болған наразилиқини ипадилигән. 

Әнглийә консерватиплар партийәси әзаси дункан симит бейҗиңниң корона вирусини мәхпий тутуп дуняға тәһдит яратқанлиқи әнглийәниң хитай билән болған мунасивәтни қайта ойлишишқа һәйдәкчилик қилиши лазимлиқини билдүргән. 

Мақалидә йәнә ши җинпиң дәвридә әвҗигә чиққан бастуруш дуня миқясида хитайниң инавитини төккәнлики көрситилгән.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар