"Wal strét zhurnili": en'gliyening xitay söygüsi tügidi

Muxbirimiz jüme
2020-04-05
Share
engliyening-xitay-ashqi-tugidi-wsj.png "Wal strét zhurnili" bash maqale élan qilip, en'gliyening xitay söygüsining tügigenliki ilgiri sürdi.
Photo: RFA

"Wal strét zhurnili" bash maqale élan qilip, en'gliyening xitay söygüsining tügigenliki ilgiri sürdi.

Maqalide körsitishiche, en'gliye bash weziri boris jonson bu yil yanwarda en'gliyening 5 g tor qurulushni xitayning xu'awéy shirkitige höddige bérip, en'gliyediki bir qisim shexsler we washin'gton da'irilirini xapa qilghanliqini, emma en'gliye xitay arisidiki muhebbetning ikki aydin kéyinla tügigenlikini bildürgen. 

Maqalide mundaq körsitilgen: "Béyjing da'iriliri wuxendiki korona wirusi partlimisi mesiliside saxtipezlik qilin'ghanliqi seweblik en'gliyeliklerning xitayghan bolghan ghezipi barghanche ulghaymaqta."

Maqalige qarighanda, xitayning bu wirus partlimisini bir terep qilishigha bolghan naraziliqlar, en'gliyening yoruqi derijilik siyasiyonliri arisida körülushke bashlighan. 

En'gliye ichki kabinéti weziri maykél grow en'gliyening korona wirusigha qayturghan inkasning kéchikip qélishigha xitay sewebchi ikenliki, xitaydin wirus weziyiti heqqide kelgen xewerlerning müjmelikini éytqan.

En'gliye tashiqi ishlar weziri domink rab düshenbe küni korona wirusidin sawaq alghanliqini bildürgen. 

Uningdin bashqa en'gliye parlamént ezalirimu xitayning mezkur wirusqa qayturghan inkasigha bolghan naraziliqini ipadiligen. 

En'gliye konsérwatiplar partiyesi ezasi dunkan simit béyjingning korona wirusini mexpiy tutup dunyagha tehdit yaratqanliqi en'gliyening xitay bilen bolghan munasiwetni qayta oylishishqa heydekchilik qilishi lazimliqini bildürgen. 

Maqalide yene shi jinping dewride ewjige chiqqan basturush dunya miqyasida xitayning inawitini tökkenliki körsitilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet