Italiye paytexti rimdiki "Erkinlik yürüshi" de Uyghurlar we ilham toxti mesilisi anglitildi

Muxbirimiz méhriban
2019-10-15
Élxet
Pikir
Share
Print
Italiye paytexti rim shehiride ötküzülgen 2019-yilliq "Erkinlik yürüshi" de Uyghurlar we ilham toxti mesilisi anglitilghan. 2019-Yili 12-öktebir.
Italiye paytexti rim shehiride ötküzülgen 2019-yilliq "Erkinlik yürüshi" de Uyghurlar we ilham toxti mesilisi anglitilghan. 2019-Yili 12-öktebir.
Photo: RFA

Igilishimizche, italiye paytexti rim shehiride ötküzülgen 2019-yilliq "Erkinlik yürüshi" de Uyghurlar we ilham toxti mesilisi anglitilghan.

Italiyediki kishilik hoquq teshkilatliridin "Erkinlik jem'iyiti" ning tor békitidiki uchurdin melum bolushiche, mezkur teshkilat 12 yildin buyan her yili italiye paytexti rim da ötküzüp kéliwatqan "Erkinlik yürüshi" pa'aliyitini, bu yil shu yer waqti 12-öktebir shenbe küni chüshtin kéyin sa'et 2 de bashlighan. Italiye qatarliq yawropa döletliridiki siyasiyonlar, kishilik hoquq pa'aliyetchiliri teklip bilen qatnashqan "Erkinlik yürüshi" rim shehirining kampanano rayonidin bashlinip, namayish 4 sat'ettin artuq dawamliship, rim shehirige qarashliq sorbo sheherchiside ayaghlashqan.

Yürüshtin kéyin sorbo shehiridiki sanktu'ary sariyida mustebit hakimiyetler astida éziliwatqan xelqlerning weziyiti heqqide doklat bérish yighini ötküzülgen.

Mezkur teshkilatning tor békitidiki uchurlardin melum bolushiche, 12-öktebirdiki "Erkinlik yürüshi" we yürüshtin kéyin rimning sorbo sheherchisining santu'ary sariyida échilghan yighinning asasiy témisi xitay, wénsu'ila, iran qatarliq mustebit dölet hökümetlirining döletni qanun bilen idare qilish prinsiplirigha qarshi halda, bu döletlerde adalet we erkinlikni cheklesh, bolupmu öz hökümranliqi astidiki xelqlerning étiqad we kishilik erkinlikini depsende qilish heriketliride bolushigha dunyaning jiddiy inkas qayturushi otturigha qoyulghan.

Igiligen ehwallardin melum bolushiche, yéqinqi birqanche yildin buyan italiyening rim shehiride her yili ötküzüp kéliniwatqan "Erkinlik yürüshi" ge chet'ellerde pa'aliyet élip bériwatqan Uyghur teshkilatliri we siyasiy pa'aliyetchilirimu teklip bilen qatniship kelgen. 2019-Yilliq "Erkinlik yürüshi" ge, yawropadiki kishilik hoquq teshkilatliri, siyasiy pa'aliyetchiler we mustebit hökümran hakimiyetler teripidin éziliwatqan xelqler wekilliri qatarida, gérmaniyediki "Ilham toxtini qollash guruppisi" din enwerjan ependimu teklip qilin'ghan.

Enwerjan ependi yene yürüshtin kéyin sorbo shehiride échilghan yighinda xitayning jaz lagérlirigha qamalghan Uyghurlar weziyiti, xitay hökümiti teripidin muddetsiz qamaqqa mehkum qilin'ghan Uyghur serxili ilham toxti we tutqundiki Uyghur ziyaliylirining ehwali heqqide doklat bérishke orunlashturulghan.

Uyghurlargha wakaliten yürüshke qatnashqan we yürüshtin kéyinki yighinda doklat bérishke orunlashturulghan enwerjan ependi radiyomiz ziyaritini qobul qilip, 12-öktebir rimda ötküzülgen pa'aliyet heqqide melumat berdi. )Awaz(

Enwerjan ependining bildürüshiche, "Erkinlik yürüsh" pa'aliyitidin kéyin, mezkur pa'aliyetni orunlashturghan "Erkinlik jem'iyiti" re'isi olita ependi öz sözide xitay, iran, wénso'ila qatarliq mustebit hakimiyetler teripidin éziliwatqan xelqlerning ehwaligha köngül bölüshni tekitligende, Uyghurlar weziyitini alahide tilgha alghan.

Enwerjan ependi yene özining yighinda bergen doklati heqqide toxtilip, uning doklatidiki 2 milyondin 3 milyon'gha qeder Uyghurning "Qayta terbiyelesh merkezliri" dep atalghan xitayning natsislarche jaza lagérlirigha qamilish weziyiti, Uyghurlarning xitaydiki barawerliki we qanuniy heqlirini telep qilghini üchün xitay hökümiti teripidin muddetsiz qamaqqa höküm qilin'ghan ilham toxti mesilisi we 500 din artuq Uyghur serxilining tutqun qilinishi qatarliq mesililer heqqide yighinda eng köp so'al sorulup, Uyghurlar weziyitining asasiy munazire témisigha aylan'ghanliqini bildürdi.

Yuqiriqi awaz ulinishidin yighin heqqidiki tepsilatlarni anglaysiler.

Toluq bet