Sabiq bash ministir exmet dawut'oghlu türkiye hökümitini béyjing qishliq olimpikini bayqut qilishqa chaqirdi

2022.01.12
Ixtiyariy muxbirimiz erkin tarim
Share on WhatsApp
Share on WhatsApp
Sabiq bash ministir exmet dawut'oghlu türkiye hökümitini béyjing qishliq olimpikini bayqut qilishqa chaqirdi Türkiye kélechek partiyesi re'isi, sabiq bash ministir exmet dawut'oghlu. 2022-Yili 11-yanwar.
RFA/Erkin Tarim

Türkiye kélechek partiyesi re'isi, sabiq bash ministir exmet dawut'oghlu 11-yanwar küni axbarat élan qilish yighini chaqirip türkiye hökümitini béyjingda ötküzülmekchi bolghan qishliq olimpik musabiqisini bayqut qilishqa chaqirdi.

11-Yanwar küni kélechek partiyesining enqere merkizidiki zalida ötküzülgen axbarat élan qilish yighini jeryanida Uyghurlarning hazirqi éghir weziyiti eks ettürülgen resimler körsitilgen körgezme échildi. Mezkur resimler yighin ehlining qiziqishini qozghidi.

Axmet-Dawutoghlu-BeijingOlimpikBoyqut-20220111-03.jpeg

Yighinda aldi bilen kélechek partiyesining kishilik hoquq xizmetlirige mes'ul mu'awin re'isi serap yaziji xanim, partiyening tashqi siyasetke mes'ul mu'awin re'isi péshqedem diplomat ümid yardemchi ependi, türk dunyasigha mes'ul mu'awin re'isi selchuq özdagh ependiler söz qilip, xitayning Uyghurlargha élip bériwatqan siyasitining irqiy qirghinchiliq ikenlikini, amérika bashta gherb elliri sherqiy türkistan mesilisige köngül bölüwatqan, xitayning bu siyasitige qarshi tedbirler éliwatqan bügünki künde Uyghurlar bilen qan qérindash bolghan türkiyening sükütte turushini qattiq eyibleydighanliqini, türkiye hökümitini béyjing qishliq olimpik tenterbiye musabiqisini bayqut qilishqa chaqirdi.

Kelechek-partiyesi-muawin-reisi-selchuq-ozdagh.jpeg
Kélechek partiyesining türk dunyasigha mes'ul mu'awin re'isi selchuq özdagh ependi sözde.

Arqidin “Kélechek” partiyesi re'isi, sabiq bash ministir exmet dawut'oghlu söz qildi. U, aldi bilen munularni dédi: “Uzun yillardin buyan sherqiy türkistanning her qaysi jaylirida kishilik hoquq depsendichilikige qarshi küresh qilishqa mejbur bolghan qimmetlik Uyghur, qazaq qérindashlirim, her qaysi partiyelerning rehberliri, qimmetlik muxbirlar we partiyemizning her derijilik rehberliri, hemminglargha hörmitimni bildürimen. Eslide bundaq yighinlarda kishini xushal qilidighan témilar heqqide sözleshsek yaxshi bolatti, lékin hazir xitay sherqiy türkistanliqlargha élip bériwatqan zulum, bésim, yürikimizni daghlimaqta. Biz kélechek partiyesi dunyaning qeyiride kishilik hoquq depsendichiliki bolsa uning qarshi turuwatimiz. Xitay hazir dunyaning közi aldida sherqiy türkistanda jaza lagéri qurup, diniy ibadetni cheklep, qérindash a'ile nami astida Uyghurlarning öyige xitaylarni jaylashturup, sherqiy türkistanliq qérindashlirimizning medeniy, diniy we meniwi turmushigha hujum qilmaqta. Xitay hazir sherqiy türkistanda insaniyetke qarshi jinayet sadir qilmaqta. Bundaq bir peytte türkiye hökümitining téxiche sükütte turushi bizni qattiq epsuslandurmaqta”.

Axmet-Dawutoghlu-BeijingOlimpikBoyqut-20220111-02.jpeg

Exmet dawut'oghlu axbarat bayanatida türkiye hökümitini béyjing qishliq olimpik tenterbiye musabiqisini bayqut qilishqa chaqirip mundaq dédi: “Birleshken döletler teshkilati amérika, en'gliye, gollandiye, kanada, we litwa qatarliq döletler xitayning Uyghurlargha élip bériwatqan siyasitini irqiy qirghinchiliq dep békitti. Birleshken döletler teshkilatidiki köp sanda dölet we köp sanda kishilik hoquq teshkilati xitayning bu siyasitige qarshi naraziliqini ipadilidi birleshme xetlerge qol qoydi. Bundaq bir peytte prézidént rejep tayyp erdoghan némishqa sükütte turidu? biz kélechek partiyesi her da'im qeyerde bir ézilgen millet bolsa ulargha yardem qolini uzitidighanliqini tekitlewatqan türkiye hökümitini béyjing qishliq olimpik tenterbiye musabiqisini bayqut qilishqa chaqirimiz”.

Kélechek partiyesi ikki aydin buyan türkiye parlaméntida béyjing olimpik tenterbiye musabiqisini bayqut qilidighan bir qarar maqullitish üchün her xil pa'aliyetlerni élip barmaqta. Bu qétimqi axbarat élan qilish yighinigha köp sanda chet'ellik we türk muxbirlarning ishtirak qilishi diqqet tartti.

Merkizi istanbuldiki Uyghur akadémiyesi ijra'iye komitéti bash katipi abdulxemit ependi kélechek partiyeside ötküzülgen axbarat élan qilish yighinining nahayiti yaxshi ötkenlikini, türkiye hökümitige tesir körsitidighanliqigha ishinidighanliqini otturigha qoydi.

Amérikaning baydén hökümiti 12-ayning 6-küni xitayning Uyghurlargha “Irqiy qirghinchiliq” élip bérishi seweblik béyjing qishliq olimpik tenterbiye musabiqisini diplomatik bayqut qilidighanliqini élan qilghandin kéyin, en'gliye, kanada, yéngi zélandiye we awstraliyemu bu sepke qoshulghanidi. En'gliye bash ministiri boris jonsonning éytishiche, en'gliye hökümiti qishliq olimpikni bayqut qilip, uninggha héchqandaq hökümet emeldari ewetmeydiken. Bulardin kéyin bu heqte türkiye hökümitige bolghan bésim künsayin kücheymekte. Mutexessisler türkiye hökümitiningmu bayqut qilish éhtimalliqi barliqini ilgiri sürüshmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.