Әхмәт давутоғлу: "имза 100 миңға йәткәндә б д т вә түркийә парламентиға тапшуруп беримиз"

Ихтиярий мухбиримиз әркин тарим
2021-06-24
Share
Әхмәт давутоғлу: Түркийә келәчәк партийәси рәиси әхмәт давутоғлу әпәнди мухбирларни күтүвелиш йиғинида сөзлимәктә. 2021-Йили 22-июн, әнқәрә, түркийә.
RFA/Erkin Tarim

Түркийә келәчәк партийәси рәиси әхмәт давутоғлу түркийә билән хитай арисида түзүлгән "җинайәтчиләрни өзара өткүзүп бериш келишими" ниң түркийә парламентида мақуллуқтин өтүшини тосуш үчүн 3-айниң 8-күни түркийә бойичә имза йиғиш паалийити қозғиғанлиқини җакарлиғаниди. Әхмәт давутоғлу әпәнди 6-айниң 22-күни мухбирларни күтүвелиш йиғини чақирип бу имза топлаш паалийитидә һазирғичә 80 миң имза йиғилғанлиқини, йүз миңға йәткәндә буларни бирләшкән дөләтләр тәшкилати билән түркийә парламентиға тапшуруп беридиғанлиқини баян қилди.

У, уйғурлар билән болған қериндашлиқ мунасивитини орундаш үчүн имза топлаш паалийити башлиғанлиқини баян қилип мундақ деди: "келәчәк партийәси қурулған күндин тартип шәрқий түркистан дәваси үчүн, шәрқий түркистандики аялларниң иппити вә шәрқий түркистанлиқ балиларниң имани үчүн, шәрқий түркистандики җаза лагерлирида искәнҗидә туруватқан қериндашлиримизниң һәқ-һоқуқи үчүн күрәш қилмақта вә күрәш қилишни давам қилиду".

Түркийә келәчәк партийәси рәиси әхмәт давутоғлу әпәнди мухбирларни күтүвелиш йиғинида сөзлимәктә. 2021-Йили 22-июн, әнқәрә, түркийә.

Әхмәт давутоғлу әпәнди шәрқий түркистан дәвасини қоллаш үчүн имза йиғиш паалийити өткүзгәнликини баян қилип мундақ деди: "биз келәчәк партийәси болуш сүпитимиз билән пүтүн түркийәдә имза йиғиш паалийити өткүздуқ. Бир қанчә айдин буян бу паалийәтни елип бериватимиз. Бу йил 3-айниң 8-күни партийәмизниң мәркизидә уйғур ханим-қизлириниң мәсилилирини оттуриға қоюш үчүн мәхсус йиғин чақирғанидуқ. Бүгүнки күндә пүтүн түркийәдә имза топлаш паалийити өткүзүш арқилиқ йеңи бир басқучқа қәдәм ташлидуқ".

Түркийәниң сабиқ баш министири, келәчәк партийәсиниң рәиси әхмәт давутоғлу бу имзаларни түркийә парламенти кишилик һоқуқи комитети қатарлиқ мунасивәтлик органларға тапшуруп беридиғанлиқини баян қилип мундақ деди: "биз бу имзаларни түркийә парламенти кишилик һоқуқ комитетиға, һәр қайси сиясий партийәләргә тапшуруп беримиз. Қени қарап бақайли сүкүттә туруватқан адаләт вә тәрәққият партийәси билән милләтчи һәрикәт партийәси бу имзани көргәндин кейинму сүкүттә турушни давам қиламдикин?"

Әхмәт давутоғлу әпәнди бу имзаларни бирләшкән дөләтләр тәшкилатиғиму сунидиғанлиқини, паалийәтлирини шәрқий түркистан әркинликкә еришкичә давамлаштуридиғанлиқини баян қилип мундақ деди: "шәрқий түркистандики зулум түгүмигичә биз үчүн җим туруш, сүкүттә туруш һарамдур".

Зияритимизни қобул қилған султан сатуқ буғрахан вәхписи коня шөбисиниң рәиси абләт удун әпәнди имза йиғиш паалийити һәққидә мәлумат бериш үчүн өткүзүлгән мухбирларни күтүвелиш паалийитиниң яхши өткәнликини баян қилди.

У, келәчәк партийәси башлиған имза йиғиш паалийитиниң уйғур мәсилисиниң кәң хәлқ аммисиға аңлитиш үчүн зор әһмийәткә игә икәнликини баян қилди.

Түркийә билән хитай арисида түзүлгән "җинайәтчиләрни өзара өткүзүп бериш келишими" 2017-йили икки дөләт министирлири арисида имзаланған болуп, 2019-йили түркийә президенти рәҗәп таййип әрдоған буниңға имза қойған болсиму, әмма түркийә парламентиниң мақуллуқидин өтмигәнлики хәвәр қилинғаниди. Бу хәвәр тарқалғандин кейин, 1-айниң 13-күни келәчәк партийәсиниң яшлар ячейкиси түркийәниң коня вилайитидә имза йиғиш паалийити уюштуруп, "җинайәтчиләрни өз ара өткүзүп бериш келишими" ниң түркийә парламентида мақуллуқтин өтүшини тосушқа киришкән. Қисқиғинә вақит ичидила 10 миң 420 кишилик имза йиғилған болуп, бу имзаларни 17-феврал күни келәчәк партийәсиниң муавин рәиси сәлчуқ өздағ башчилиқидики һәйәт түркийә парламентиниң рәисигә һәмдә парламенттики һәр қайси сиясий партийәләрниң вәкиллиригә тапшуруп бәргәниди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт