Gérman yashliri özlükidin teshkillinip xitaygha qarshi namayish élip bardi

Ixtiyariy muxbirimiz ekrem
2021-04-05
Share
Gérman yashliri özlükidin teshkillinip xitaygha qarshi namayish élip bardi Gérman yashliri "Uyghurlarning heq-hoquqini qoghdash birleshmisi" qurup, xitaygha qarshi élip barghan namayishidin körünüsh. 2021-Yili 3-aprél.
RFA/Ekrem

Gérman yashliri "Uyghurlarning heq-hoquqini qoghdash birleshmisi" qurup, xitaygha qarshi namayish élip bardi.

3-Aprél gérmaniyening in'golshitat shehiridiki gérman yashliri özlükidin qozghilip "Uyghurlarning heq-hoquqini qoghdash birleshmisi" ni qurup, "Uyghurlargha irqiy qirghinchiliq yürgüzüwatqan hakimiyet bilen bolghan hemkarliqni toxtitinglar!" dégen sho'ar astida namayish élip barghan. Bu namayishni merkiziy myunxén shehiride bolghan d u q mu qollighan we namayishtin ilgiri d u q re'isi dolqun eysa ependi nutuq sözlep, gérmaniyediki Uyghurlarni bu qétimqi namayishqa gérmanlar bilen birlikte ishtirak qilishqa seperwer qilghan.

Gérman yashliri

Namayishta xitayning Uyghurlargha yürgüzüwatqan irqiy qirghinchiliqi qattiq eyiblinish bilen birge, in'golshitat shehiridiki "Kungzi instituti" ni taqashmu telep qilin'ghan. "Uyghurlarning heq-hoquqini qoghdash birleshmisi" ning me´ulliri namayish meydanida nutuqlar sözlep, xitayning insaniyetsiz jinayetlirige bolghan ghezeplirini we Uyghurlargha bolghan hésdashliqlirini namayan qilishqan.

Namayishqa gérman yashliridin sirt, gérmaniyening in'golshitat shehiridiki bezi hökümet erbabliri, türk teshkilatlirining ezaliri we gérmaniyening herqaysi sheherliridin kelgen Uyghurlar bolup 200 ge yéqin kishi qatnashqan. D u q re'isi dolqun eysa ependi namayish meydanida sözligen nutqida hersahe namayish ishtirakchilirigha rehmetlirini bildürüsh bilen birge, özlükidin qozghilip bu namayishni teshkilligen "Uyghurlarning heq-hoquqini qoghdash birleshmisi" diki gérman yashlirigha alahide teshekkürlirini bildürgen.

Bu qétimqi namayishqa ishtirak qilghan merkizi myunxén shehiridiki "Gérmaniye Uyghur medeniyet-ma'arip birliki" ning re'isi helime xanim bu xususta ziyaritimizni qobul qilghanda, bu namayish arqiliq özlirining xitaygha bolghan ghezep-nepretlirini yene bir qétim namayan qilish pursitige érishkenlikini tilgha aldi.

Namayish meydanini xitayning türmilirige yaki jaza lagérlirigha qamalghan yüzligen Uyghurlarning süretliri bésilghan chong lozunkilar, ay yultuzluq kök bayraqlar qaplighan. "Irqiy qirghinchiliq toxtitalisun", "Uyghurlargha erkinlik", "Xitaylar wetinimizdin chiqip ketsun" dégendek sho'arlar towlan'ghan. Namayishqa ishtirak qilghan d u q fondining re'isi abdujélil emet ependimu bu qétimqi namayishning tesirlik ötkenlikini bayan qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet