Германийә парламентида уйғур, тибәт вә хоңкоң достлуқ гуруппилириниң “ортақ наштилиқ” паалийити өткүзүлгән

Мюнхендин ихтиярий мухбиримиз әкрәм тәйярлиди
2024.02.22
Germaniye-dostluq-02 Германийә парламентида “уйғур достлуқ гурупписи”, “тибәт достлуқ гурупписи”, “хоңкоң достлуқ гурупписи” бирликтә германийә парламенти билән бирлишип өткүзгән “ортақ наштилиқ” паалийитиниң көрүнүши. 2024-Йили 22-феврал, берлин
RFA/Ekrem

22-Феврал сәһәрдә германийә парламентида “уйғур достлуқ гурупписи”, “тибәт достлуқ гурупписи”, “хоңкоң достлуқ гурупписи” бирликтә германийә парламенти билән бирлишип “ортақ наштилиқ” паалийити өткүзгән. Мәзкур сорунға дахил болған д у қ берлин ишханисиниң мудири ғәюр қурбан әпәндиниң баян қилишичә, бу паалийәткә германийәдики охшимиған партийәләрниң парламенттики вәкиллири, ақиллар амбириниң мутәхәссислири, уйғурлар, тибәтликләр, хоңкоңлуқлар болуп 70 кә йеқин киши қатнашқан. Паалийәттә уйғур ирқий қирғинчилиқи вә хитайниң хоңкоң, тибәтләрдә елип бериватқан бастуруш һәрикәтлири асасий сөз темиси болған.

Германийә парламентида “уйғур достлуқ гурупписи”, “тибәт достлуқ гурупписи”, “хоңкоң достлуқ гурупписи” бирликтә германийә парламенти билән бирлишип өткүзгән “ортақ наштилиқ” паалийитиниң көрүнүши. 2024-Йили 22-феврал, берлин
Германийә парламентида “уйғур достлуқ гурупписи”, “тибәт достлуқ гурупписи”, “хоңкоң достлуқ гурупписи” бирликтә германийә парламенти билән бирлишип өткүзгән “ортақ наштилиқ” паалийитиниң көрүнүши. 2024-Йили 22-феврал, берлин
RFA/Ekrem

Берлиндин зияритимизни қобул қилған долқун әйса әпәндиниң билдүрүшичә, сөһбәтниң муқәддимисидә алдинқи ай б д т да өткүзүлгән хитайниң кишилик һоқуқ вәзийитини көздин көчүрүш йиғинида вуҗудқа кәлгән иҗабий вә сәлбий нәтиҗиләр һәққидә сөһбәт елип берилған. 1-Айда өткүзүлгән б д т дики йиғинға биваситә қатнашқан долқун әйса әпәнди, бу наштилиқ сорунида қилған сөзидә хитайниң б д т ни суйиистемал қилиш қилмишлириға өзиниң биваситә шаһит болғанлиқини тилға алған вә хитайниң шәрқий түркистанда елип бериватқан ирқий қирғинчилиқ җинайәтлирини тәкрар баян қилип өткән.

Германийә парламентида “уйғур достлуқ гурупписи”, “тибәт достлуқ гурупписи”, “хоңкоң достлуқ гурупписи” бирликтә германийә парламенти билән бирлишип өткүзгән “ортақ наштилиқ” паалийитиниң көрүнүши. 2024-Йили 22-феврал, берлин
Германийә парламентида “уйғур достлуқ гурупписи”, “тибәт достлуқ гурупписи”, “хоңкоң достлуқ гурупписи” бирликтә германийә парламенти билән бирлишип өткүзгән “ортақ наштилиқ” паалийитиниң көрүнүши. 2024-Йили 22-феврал, берлин
RFA/Ekrem

Долқун әйса әпәндиниң ипадә қилишичә, бу германийә парламентидики хиристиян демократлар партийәси, сотсиял демократлар партийәси, йешиллар партийәси вә әркин демократлар партийәсиниң бир ариға келип бундақ бир “наштилиқ” паалийәтни өткүзүши тунҗи қетимлиқ иш икән. Йәнә келип германийәдики уйғур, хоңкоң, тибәт тәшкилатлириниң германийә парламентида бирликтә бундақ бир сөһбәт сорунини қурушиму тунҗи қетимлиқ иш һесаблинидикән.

Германийә парламентида “уйғур достлуқ гурупписи”, “тибәт достлуқ гурупписи”, “хоңкоң достлуқ гурупписи” бирликтә германийә парламенти билән бирлишип өткүзгән “ортақ наштилиқ” паалийитиниң көрүнүши. 2024-Йили 22-феврал, берлин
Германийә парламентида “уйғур достлуқ гурупписи”, “тибәт достлуқ гурупписи”, “хоңкоң достлуқ гурупписи” бирликтә германийә парламенти билән бирлишип өткүзгән “ортақ наштилиқ” паалийитиниң көрүнүши. 2024-Йили 22-феврал, берлин
RFA/Ekrem

Ғәюр қурбан әпәнди сөзидә йәнә, сәһәр саәт 7:30 ға орунлаштурулған бу паалийәткә шунчә көп адәмниң қатнишиши вә уйғурлар мәсилисигә қизиқидиған парламент әзалириниң барғансери көпийип беришиниң уйғур дәвасиниң германийәдики истиқбалиға үмид беғишлайдиғанлиқини әскәртти.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.