“аксел спрингер әркинлик мукапати” мурасимида уйғурлар мәсилиси йәнә бир қетим оттуриға қоюлған

Мюнхендин ихтиярий мухбиримиз әкрәм тәйярлиди
2023.11.29
aksel-springer-erkinlik-mukapati-murasimi-1 Германийә пайтәхти берлинда “аксел спрингер әркинлик фонди” җәмийитиниң тунҗи нөвәтлик “аксел спрингер әркинлик мукапати” мурасимида уйғур вәкилләр германийә парламент әзалири билән. 2023-Йили 28-ноябир.
RFA/Ekrem

28-Ноябир күни германийә пайтәхти берлинда “аксел спрингер әркинлик фонди” җәмийитиниң тунҗи нөвәтлик “аксел спрингер әркинлик мукапати” мурасими дағдуғилиқ өткүзүлгән. Көплигән мәшһур кишилик һоқуқ паалийәтчилири, германийәниң дөләт әрбаблири, ахбарат-нәшрият саһәсиниң хадимлири, кишилик һоқуқ тәшкилатлири вә фонди җәмийәтләр һәмдә бәзи дөләтләрниң әлчилири иштирак қилған бу һәйвәтлик мурасимға уйғурларға вакалитән рошән аббас, абдулһаким идрис, ғәюр қурбанларму тәклипкә бинаән қатнашқан.

Мәлум болғинидәк, “аксел спрингер әркинлик фонди” җәмийити германийәдә нәширдин чиқидиған даңлиқ гезит-журналлардин “сүрәтләр” гезити, “дуня” гезити, “политико” гезити, “пакит” вә “әйнәк” қатарлиқ журналларниң саһиби болған “аксел спрингер ахбарат вә технологийә гуруһи” тәрипидин 2023-йили 29-март күни германийә пайтәхти берлинда қурулған. Уйғур һәрикити тәшкилатиниң мәсули рошән аббас ханим “аксел спрингер әркинлик фонди мәслиһәтчиләр кеңиши” ниң рәисликигә талланған иди.

Германийә пайтәхти берлинда “аксел спрингер әркинлик фонди” җәмийитиниң тунҗи нөвәтлик “аксел спрингер әркинлик мукапати” мурасимида уйғур вәкилләр. 2023-Йили 28-ноябир.
Германийә пайтәхти берлинда “аксел спрингер әркинлик фонди” җәмийитиниң тунҗи нөвәтлик “аксел спрингер әркинлик мукапати” мурасимида уйғур вәкилләр. 2023-Йили 28-ноябир.
RFA/Ekrem

Берлиндин зияритимизни қобул қилған рошән аббас ханимниң билдүрүшичә, мурасимниң ечилиш нутқини “аксел спрингер әркинлик фонди” ниң рәиси матияс дөфнер (Mathias Döpfner) билән германийә маарип вә тәтқиқат министирлиқиниң министири беттина шитарик ватзингер (Bettina Stark Watzinger) қатарлиқлар сөзлигән. Тунҗи нөвәтлик “аксел спрингер әркинлик мукапати” ға афғанистанлиқ мәрйәм нури дегән аял еришкән. Талибанларниң реҗимиға қарши күрәш қилип мәзкур мукапатқа еришкән бу аялниң исми башқа болуп, мукапатлиғучилар униң бихәтәрлики үчүн ‛мәрйәм нури‚ дегән ялған исимни қоллинишни мувапиқ көргән.

“аксел спрингер әркинлик мукапати” мурасимида рошән аббас ханим билән абдулһаким идрис әпәнди американиң германийәдики баш әлчи вәкили киларк прайс (Clarke Price) әпәнди билән. 2023-Йили 28-ноябир.
“аксел спрингер әркинлик мукапати” мурасимида рошән аббас ханим билән абдулһаким идрис әпәнди американиң германийәдики баш әлчи вәкили киларк прайс (Clarke Price) әпәнди билән. 2023-Йили 28-ноябир.
RFA/Ekrem

Уйғур һәрикити тәшкилатиниң мәсули, “аксел спрингер әркинлик фонди мәслиһәтчиләр кеңиши” ниң рәиси рошән аббас ханим бу һәқтә тохталғанда, гәрчә бу мукапат ‛мәрйәм нури‚ ға берилгән болсиму, мурасимда уйғурлар учраватқан зулумларниң муһим сиясий шәхсләр тәрипидин тәкрар-тәкрар оттуриға қоюлушиниң өзлирини мәмнун қилған амиллардин бири болғанлиқини тилға алди.

“аксел спрингер әркинлик мукапати” мурасиминиң муқәддимисидә сөз алған “аксел спрингер әркинлик фонди” ниң рәһбәрлири өзлириниң һазирға қәдәр елип барған паалийәтлири тоғрисида доклат тәқдим қилғанда, алдинқи бир қанчә айда өзлириниң уйғур һәрикити тәшкилатиниң рәиси рошән аббас ханим башчилиқидики уйғур вәкиллирини германийәниң юқири қатламдики рәһбәрлири билән учраштуруп, уйғурлар учраватқан еғир зулумларни биваситә аңлитишқа пурсәтләр яритип бәргәнликини әскәртип өткән. Уйғур тәтқиқат мәркизиниң директори абдулһаким идрис әпәнди бу хусуста тәсиратлирини баян қилип, бу мурасимда нурғунлиған муһим шәхсләргә шәрқий түркистан хәлқи дуч келиватқан ирқий қирғинчилиқни аңлитиш имканиға игә болғанлиқини баян қилди.

“аксел спрингер әркинлик мукапати” мурасимида (оңдин) рошән аббас ханим, парламент әзаси линда тортиберг (Linda teuteberg) ханим вә франк муллер (Frank müller) әпәнди билән. 2023-Йили 28-ноябир.
“аксел спрингер әркинлик мукапати” мурасимида (оңдин) рошән аббас ханим, парламент әзаси линда тортиберг (Linda teuteberg) ханим вә франк муллер (Frank müller) әпәнди билән. 2023-Йили 28-ноябир.
RFA/Ekrem

Д у қ берлин ишханисиниң директори ғәюр қурбан әпәндиму мәзкур мурасимға тәклип билән қатнашқан. У бу һәқтә тохталғанда, бу мурасимда мәйли германийәниң дөләт әрбаблири, мәйли сиясәтчиләр яки кишилик һоқуқ актиплири болсун, һәммисиниңла уйғурлар мәсилини тилға елип өтишидин, уйғур ирқий қирғинчилиқи мәсилисиниң германийәниң қатлам-қатламлириға қәдәр сиңгәнликини көрүвелишқа болидиғанлиқини тәкитлиди.

“аксел спрингер әркинлик фонди” җәмийити уйғурларни тонуштуруп чиқарған китабчә. 2023-Йили ноябир.
“аксел спрингер әркинлик фонди” җәмийити уйғурларни тонуштуруп чиқарған китабчә. 2023-Йили ноябир.
RFA/Ekrem

“аксел спрингер әркинлик фонди” болса “аксел спрингер ахбарат вә технологийә гуруһи” ниң қурғучиси аксел спрингерниң “әркинликни барлиқ қиммәт қарашлириниң асаси қилиш” тин ибарәт тәврәнмәс ирадисини йәнә бир қетим намаян қилиш, дуняниң һәр йәрлиридики әркинлик җәңчилиригә илһам бериш үчүн қурулған. Бу фонди җәмийәт хитай кәби мустәбит дөләтләрниң зулумлириға қарши күрәш қиливатқан, әркинлик вә демократийә йолида бәдәл төләватқан инсанларни қоллашни, қоғдашни, уларниң пидакарлиқ роһиға илһам беришни түп мәқсәт қилған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.