Gheyur qurban Table Media taratqusining “Xitay munbiri” diki 100 meshhur shexsning biri bolup tallan'ghan

Myunxéndin ixtiyariy muxbirimiz ekrem teyyarlidi
2024.05.29
Gheyur-qurban-Beerlin-2018 Dunya Uyghur qurultiyi bérlin ishxanisining mudiri gheyur qurban namayish qiliwatqan körünüsh. 2018-Yili, bérlin
RFA/Ekrem

28-May d u q bérlin ishxanisining mudiri gheyur qurban ependi gérmaniyening nürnbérg shehiride “Xitaydiki kishilik hoquq we erkinlik” dégen témida ötküzülgen muhakime yighinigha teklip bilen qatniship, Uyghur irqiy qirghinchiliqi mesilisini etrapliq anglatqan.

Bügün bu xususta bizni bezi melumatlar bilen teminligen gheyur qurban ependi, 28-may özining yene gérmaniyediki torlashqan axbarat merkizi bolghan Table Media ning “Xitay munbiri” diki 100 meshhur shexsning biri bolup tallan'ghanliq xush xewirini yetküzdi.

Table Media Ning bu heqte gheyur qurban ependige yollighan mektupida mundaq ibariler orun alghan: “Mubarek bolsun, gheyur qurban ependi! siz gérman tilliq axbarat qanalliri ichide aldinqi qatarda turidighan ‛xitay munbiri ‚(China Table) ning muherrirler qoshuni teripidin xitay ishlirigha alaqidar yüz halqiliq shexsning biri bolup tallandingiz. Qalghan 99 neper hemrahingizni biz yéqinda élan qilidighan ‛munberde 100 ülge‚ namliq pirogrammimizdin tonush we chüshinish pursitige érishisiz. China Table Ning muherrirler qoshuni siyasiy, memuriy, uyushmilar, shirketler, uchur ambarliri, aqillar ambiri, ilim sahesi, fondi jem'iyetler, hökümetsiz teshkilatlar we jem'iyettin bolup, her bir sahedin 10 din meshhur kishini tallap chiqti. Table Media Aldimizdiki künlerde sizni bu heqte téximu köp uchurlar bilen teminleydu. ”

D u q bérlin ishxanisining mudiri gheyur qurban gérmaniye parlaméntining aldida turghan körünüsh. 2024-Yili féwral, bérlin
D u q bérlin ishxanisining mudiri gheyur qurban gérmaniye parlaméntining aldida turghan körünüsh. 2024-Yili féwral, bérlin
RFA/Ekrem

Table Media Tallighan 100 meshhur shexsning biri bolghan, 29-may yene wolkswagénning 64-nöwetlik omumiy qurultiyida Uyghur mejburiy emgiki we gérmaniye aptomobil shirketlirining Uyghur qul emgiki bilen bolghan munasiwiti heqqide nutuq sözligen gheyur qurban ependi, bu heqte öz tesiratlirini bayan qilip ötti. U, qolgha keltürgen bu utuqlirining irqiy qirghinchiliqqa uchrawatqan mezlum Uyghur milliti üchün xeyirlerge wesile bolushini ümid qilidighanliqini bildürdi.

D u q re'isi dolqun eysa ependi gheyur qurbanning Table Media tallighan 100 meshhur shexsning biri bolghanliqini qizghin tebriklidi hemde buni “Yash bir ewlad Uyghur dewagerlirining xelq'ara sehnilerde tonuluwatqanliqi, étirap qilishqa érishiwatqanliqining yarqin bir ipadisi” dep körsetti. U, d u q bérlin ishxanisining mudiri gheyur qurbanning hazirgha qeder yaratqan hem yaritiwatqan utuqlirigha yuqiri bahalar berdi. D u q rehberliridin turghunjan alawudun ependimu bu xususta öz tesiratlirini bayan qilip ötti.

Table Media Toghrisidiki uchurlardin melum bolushiche, Table Media 2019-yili gérmaniyede qurulghan, digital uchur mulazimiti bilen shughullinidighan, köpligen yétishken kespiy muxbirlar we tehrirler toplashqan, xewerlirining tennerxi alahide qimmet bolghan axbarat orgini iken. Uning “Europa Table” , “Africa Table” qatarliq 10 din artuq tarmaq organliri bar iken. “China Table” uning eng janliq we meshhur bir bölümi hésablinidiken. “Table Media” döletni we kölemleshken soda sahesini tiz sür'ette ma'arip siyasiti, siyasiy tetqiqat, xelq'ara muhit, tashqi siyaset we xewpsizlik siyasiti qatarliq jehetlerde arqa körünüshi chongqur bolghan uchur, pikir hem tetqiqat netijiliri bilen teminleydiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.