Голландийә ахбарат васитилиридә уйғур мәсилиси муһакимә қилинмақта

Ихтиярий мухбиримиз уйғурай
2021-06-01
Share
Голландийә ахбарат васитилиридә уйғур мәсилиси муһакимә қилинмақта Голландийәдә ди-бали телевизийәсиниң орунлаштуруши билән голландийәдики уйғур сиясий паалийәтчилири уйғурларниң һазирқи еғир вәзийити вә уларға келиватқан тәһдит, бесимлирини аңлатмақта. 2021-Йили 27-май.
RFA/Uyghur'ay

Голландийәдә 5-айниң 27-күни мустәқил таратқу (ди-бали) телевизийәсиниң орунлаштуруши билән голландийәдики уйғур сиясий паалийәтчилири уйғурларниң һазирқи еғир вәзийити вә уларға келиватқан тәһдит, бесимлирини аңлатқан.

Мәзкур телевизийә сөһбити голландийә вақти саәт 19:30да нәқ мәйданда тарқитилған болуп, сөһбәткә голландийә парламент әзалиридин рәис руйтин вә рубин бириклиманис әпәндиләрму қатнашқан. Улар уйғурлар дуч келиватқан "ирқий қирғинчилиқ" мәсилиси һәмдә явропа вә голландийәдә яшаватқан уйғурлар тоғрисида тохталған.

Бу қетимқи паалийәткә лагер шаһитлиридин қәлбинур сидиқ вә өмәр бекали қатарлиқларму тәклип қилинған болсиму, бирақ улар 4-июн уйғур қирғинчилиқи тоғрисида әнглийәдә ечилидиған сот коллегийәсидә гуваһлиқ беридиғанлиқи сәвәблик бу сөһбәткә қатнишалмай қалған.

Голландийәдә ди-бали телевизийәсиниң орунлаштуруши билән голландийәдики уйғур сиясий паалийәтчилири уйғурларниң һазирқи еғир вәзийити вә уларға келиватқан тәһдит, бесимлирини аңлатмақта. 2021-Йили 27-май.

Униңдин башқа бу қетимлиқ сөһбәткә голландийә шәрқий түркистан маарип җәмийитиниң рәиси әйса қарим, университет оқуғучиси вә сиясий актип яшлардин алирик аблимит вә әхмәтҗан қасим қатарлиқлар қатнашқан.

Улар бу сөһбәттә гәрчә өзлири чәтәлдә яшаватқан болсиму, лекин аилилири хитайниң тәһдити вә әндишиси ичидә яшаватқан уйғурларниң барлиқини, һазирму уйғурларниң қорқуш ичидә яшаватқанлиқини оттуриға қуюш арқилиқ уйғур мәсилисини җанлиқ аңлатқан.

Голландийә шәрқий түркистан маарип җәмийитиниң рәиси әйса қари әпәндидин мәзкур телевизийә сөһбитидә уйғурлар һәққидики аңлитишларниң қандақ болғанлиқи тоғрисида учур игилидуқ.

2021-Йили 2-айниң 26-күни голландийә парламенти хитайниң уйғурларға йүргүзүватқан бастурушлириниң "ирқий қирғинчилиқ" икәнликини рәсмий елан қилинғандин кейин, голландийә һөкүмитиниң уйғурлар вәзийитигә қизиқиши вә голландийәдики ахбарат васитилириниң уйғурларни тонуштуруш ишлири җиддий давам қилмақта вә голландийә хәлқи арисидиму зор тәсир қозғаватқанлиқи мәлум.

Радийомизниң зияритини қобул қилған университет оқуғучиси әхмәтҗан қасим бу қетимқи телевизийә зияритиниң әһмийити тоғрисида тохталди.

Голландийә парламенти уйғур қирғинчилиқини етирап қилғандин кейин, голландийәдә уйғур мәсилисини аңлитиш паалийәтлири көпләп давам қилмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт