Gollandiye axbarat wasitiliride Uyghur mesilisi muhakime qilinmaqta

Ixtiyariy muxbirimiz Uyghur'ay
2021-06-01
Share
Gollandiye axbarat wasitiliride Uyghur mesilisi muhakime qilinmaqta Gollandiyede di-bali téléwiziyesining orunlashturushi bilen gollandiyediki Uyghur siyasiy pa'aliyetchiliri Uyghurlarning hazirqi éghir weziyiti we ulargha kéliwatqan tehdit, bésimlirini anglatmaqta. 2021-Yili 27-may.
RFA/Uyghur'ay

Gollandiyede 5-ayning 27-küni musteqil taratqu (di-bali) téléwiziyesining orunlashturushi bilen gollandiyediki Uyghur siyasiy pa'aliyetchiliri Uyghurlarning hazirqi éghir weziyiti we ulargha kéliwatqan tehdit, bésimlirini anglatqan.

Mezkur téléwiziye söhbiti gollandiye waqti sa'et 19:30da neq meydanda tarqitilghan bolup, söhbetke gollandiye parlamént ezaliridin re'is ruytin we rubin biriklimanis ependilermu qatnashqan. Ular Uyghurlar duch kéliwatqan "Irqiy qirghinchiliq" mesilisi hemde yawropa we gollandiyede yashawatqan Uyghurlar toghrisida toxtalghan.

Bu qétimqi pa'aliyetke lagér shahitliridin qelbinur sidiq we ömer békali qatarliqlarmu teklip qilin'ghan bolsimu, biraq ular 4-iyun Uyghur qirghinchiliqi toghrisida en'gliyede échilidighan sot kollégiyeside guwahliq béridighanliqi seweblik bu söhbetke qatnishalmay qalghan.

Gollandiyede di-bali téléwiziyesining orunlashturushi bilen gollandiyediki Uyghur siyasiy pa'aliyetchiliri Uyghurlarning hazirqi éghir weziyiti we ulargha kéliwatqan tehdit, bésimlirini anglatmaqta. 2021-Yili 27-may.

Uningdin bashqa bu qétimliq söhbetke gollandiye sherqiy türkistan ma'arip jem'iyitining re'isi eysa qarim, uniwérsitét oqughuchisi we siyasiy aktip yashlardin alirik ablimit we exmetjan qasim qatarliqlar qatnashqan.

Ular bu söhbette gerche özliri chet'elde yashawatqan bolsimu, lékin a'ililiri xitayning tehditi we endishisi ichide yashawatqan Uyghurlarning barliqini, hazirmu Uyghurlarning qorqush ichide yashawatqanliqini otturigha quyush arqiliq Uyghur mesilisini janliq anglatqan.

Gollandiye sherqiy türkistan ma'arip jem'iyitining re'isi eysa qari ependidin mezkur téléwiziye söhbitide Uyghurlar heqqidiki anglitishlarning qandaq bolghanliqi toghrisida uchur igiliduq.

2021-Yili 2-ayning 26-küni gollandiye parlaménti xitayning Uyghurlargha yürgüzüwatqan basturushlirining "Irqiy qirghinchiliq" ikenlikini resmiy élan qilin'ghandin kéyin, gollandiye hökümitining Uyghurlar weziyitige qiziqishi we gollandiyediki axbarat wasitilirining Uyghurlarni tonushturush ishliri jiddiy dawam qilmaqta we gollandiye xelqi arisidimu zor tesir qozghawatqanliqi melum.

Radiyomizning ziyaritini qobul qilghan uniwérsitét oqughuchisi exmetjan qasim bu qétimqi téléwiziye ziyaritining ehmiyiti toghrisida toxtaldi.

Gollandiye parlaménti Uyghur qirghinchiliqini étirap qilghandin kéyin, gollandiyede Uyghur mesilisini anglitish pa'aliyetliri köplep dawam qilmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet