Голландийә уйғур кишилик һоқуқ фунди парламент әзаси шурд шурдима әпәнди билән уйғур мәсилиси бойичә сөһбәт өткүзгән

Ихтиярий мухбиримиз уйғурай
2021-06-07
Share
Голландийә уйғур кишилик һоқуқ фунди парламент әзаси шурд шурдима әпәнди билән уйғур мәсилиси бойичә сөһбәт өткүзгән Голландийә димокиратчилар партийисиниң вәкили голландийә парламенит әзаси шорд шордима әпәнди голландийә уйғур қишлиқ һоқуқ фондидикиләр билән тор сөһбити үстидә. 2021-Йили 2-июн.
RFA/Uyghuray

6-Айниң 2-күни голландийә уйғур кишилик һоқуқ фундиниң орунлаштуруши билән голландийә демократчилар партийәсиниң вәкили вә голландийә парламент әзаси билән тор йүзидә сөһбәт елип берилған.

Голландийә демократчилар партийәсиниң голландийә парламентидики вәкили шурд шурдима әпәнди уйғурлар үчүн муһим рол ойниған парламенит әзаси болуп, у голландийә парламентида уйғур қирғинчилиқини етрап қилиш мәсилисидә алаһидә күч чиқарған кишидур. У уйғур қирғинчилиқини етрап қилиш мәсилиси бойичә голландийә парламентиға тунҗи болуп тәләп сунған парламенит әзалириниң бири болуп, шу сәвәблик хитай һөкүмити тәрипидин җаза елан қилинған вә "қара тизимлик" кә киргүзүлгән иди.

Игилишимизчә, голландийә уйғур кишилик һоқуқ фунди мәзкур парламент әзасиға рәһмитини билдүрүш вә униң билән достлуқ орнитиш үчүн 8 қетим елтимас сунған. Шуниңдин кейин униң билән тор йүзидә көрүшүш пурситигә еришкән. Бу қетимлиқ тор сөһбитидә голландийә уйғур кишилик һоқуқ фундиниң мәсуллири шорд шордима әпәндимгә өзлириниң рәһмитини ейтиқан шундақла униң билән уйғурларниң нөвәттики вәзийити, голландийәдики уйғурларниң әһвали тоғрисида сөһбәтләшкән.

Гәрчә бу сөһбәт тор йүзидә йерим саәт елип берилған болсиму, әмма бу қисқиғинә вақитта уйғурлар тоғрисида көңүлдикидәк сөһбәт елип берилған.

Шорд шордима әпәндим бу сөһбәттә хитайниң зораванлиқиниң явропа иттипақини техиму бирликкә кәлтүргәнликини, өзиниң буниңдин кейин изчил һалда уйғур мәслисигә көңүл бөлүштин бошашмайдиғанлиқини билдүргән.

Демократчилар партийәси голландийәниң бу йиллиқ сайлимида парламентта иккинчи орунға еришкән чоң партийәдур. Демократчилар партийәси голландийәдә хитайниң уйғурларға қаратқан зулумини "ирқий қирғинчилиқ" дәп тонушта муһим рол ойниған партийәниң биридур.

Бу қетимлиқ тор сөһбитигә қатнашқан голландийә уйғур кишилик фондиниң әзаси әхмәтҗан қасим зияритимизни қобул қилип, бу қетимлиқ сөһбәтниң әһмийити һәққидә мәлумат бәрди.

Голландийә парламенти гәрчә уйғур ирқий қирғинчилиқни рәсмий етирап қилған болсиму, әмма голландийәдики уйғур паалийәтчиләр уйғурлар мәсилисини голландийәдә техиму йоқири күнтәртипкә елип чиқиш, шундақла уни парламентта қайтидин җанландуруш үчүн тириишчанлиқ көрсәтмәктикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт