Gollandiye Uyghur kishilik hoquq fundi parlamént ezasi shurd shurdima ependi bilen Uyghur mesilisi boyiche söhbet ötküzgen

Ixtiyariy muxbirimiz Uyghur'ay
2021-06-07
Share
Gollandiye Uyghur kishilik hoquq fundi parlamént ezasi shurd shurdima ependi bilen Uyghur mesilisi boyiche söhbet ötküzgen Gollandiye dimokiratchilar partiyisining wekili gollandiye parlaménit ezasi shord shordima ependi gollandiye Uyghur qishliq hoquq fondidikiler bilen tor söhbiti üstide. 2021-Yili 2-iyun.
RFA/Uyghuray

6-Ayning 2-küni gollandiye Uyghur kishilik hoquq fundining orunlashturushi bilen gollandiye démokratchilar partiyesining wekili we gollandiye parlamént ezasi bilen tor yüzide söhbet élip bérilghan.

Gollandiye démokratchilar partiyesining gollandiye parlaméntidiki wekili shurd shurdima ependi Uyghurlar üchün muhim rol oynighan parlaménit ezasi bolup, u gollandiye parlaméntida Uyghur qirghinchiliqini étrap qilish mesiliside alahide küch chiqarghan kishidur. U Uyghur qirghinchiliqini étrap qilish mesilisi boyiche gollandiye parlaméntigha tunji bolup telep sun'ghan parlaménit ezalirining biri bolup, shu seweblik xitay hökümiti teripidin jaza élan qilin'ghan we "Qara tizimlik" ke kirgüzülgen idi.

Igilishimizche, gollandiye Uyghur kishilik hoquq fundi mezkur parlamént ezasigha rehmitini bildürüsh we uning bilen dostluq ornitish üchün 8 qétim éltimas sun'ghan. Shuningdin kéyin uning bilen tor yüzide körüshüsh pursitige érishken. Bu qétimliq tor söhbitide gollandiye Uyghur kishilik hoquq fundining mes'ulliri shord shordima ependimge özlirining rehmitini éytiqan shundaqla uning bilen Uyghurlarning nöwettiki weziyiti, gollandiyediki Uyghurlarning ehwali toghrisida söhbetleshken.

Gerche bu söhbet tor yüzide yérim sa'et élip bérilghan bolsimu, emma bu qisqighine waqitta Uyghurlar toghrisida köngüldikidek söhbet élip bérilghan.

Shord shordima ependim bu söhbette xitayning zorawanliqining yawropa ittipaqini téximu birlikke keltürgenlikini, özining buningdin kéyin izchil halda Uyghur meslisige köngül bölüshtin boshashmaydighanliqini bildürgen.

Démokratchilar partiyesi gollandiyening bu yilliq saylimida parlaméntta ikkinchi orun'gha érishken chong partiyedur. Démokratchilar partiyesi gollandiyede xitayning Uyghurlargha qaratqan zulumini "Irqiy qirghinchiliq" dep tonushta muhim rol oynighan partiyening biridur.

Bu qétimliq tor söhbitige qatnashqan gollandiye Uyghur kishilik fondining ezasi exmetjan qasim ziyaritimizni qobul qilip, bu qétimliq söhbetning ehmiyiti heqqide melumat berdi.

Gollandiye parlaménti gerche Uyghur irqiy qirghinchiliqni resmiy étirap qilghan bolsimu, emma gollandiyediki Uyghur pa'aliyetchiler Uyghurlar mesilisini gollandiyede téximu yoqiri küntertipke élip chiqish, shundaqla uni parlaméntta qaytidin janlandurush üchün tiri'ishchanliq körsetmektiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet