Men lagérdin qandaq hayat qaldim?

Gülbahar xatiwaji: qamaqqa qamalghan'gha qeder xitay üchün Uyghurluqimizning özi yéterlik jinayet sanilidighanliqini angqiralmighan ikenmen.

Xitayning qarimaydiki qamaqxana we jaza lagérlirida qabahetlik 32 ayni ötküzüp, 2019-yili awghustta firansiyediki a'ilisi bilen jem bolghan lagér shahiti gülbahar xatiwaji xanim bilen “Men lagérdin qandaq hayat chiqtim” témisida ötküzgen, yürüshlük söhbitimizning 2-sanini diqqitinglargha sunmaqchimiz.

Gülbahar xanim özining pénsiye resmiyetlirini ötesh üchün, 2016-yil axirida qarimaygha chaqirtilghinida, buning bir qiltaq ikenlikini oylimighan, hetta u put-qolliri ishkellinip “Adem toplap jem'iyet amanliqini buzush” jinayiti bilen qolgha élin'ghandimu, hayatining xewp astida ikenlikini angqiralmighan. Peqet adwokat tutush hoquqi ret qilinip, qamaqxanida özige oxshash bigunah insanlarni körgendila, andin Uyghur bolushning özi xitay üchün yéterlik jinayet ikenlikini chüshürüp yetkeniken. Gülbahar xanim bu söhbitimizde, Uyghurlarni siyasiy bixudluqtin emdi bolsimu oyghinishni, xitay da'irilirining bundin kéyinki oyunlirigha segek bolushni tewsiye qildi.

Yuqiridiki awaz ulinishidin muxbirimizning gülbahar xatiwaji xanim bilen ötküzgen söhbitini anglighaysiler.