Гүлбаһар хативаҗи: “лагер һаятимда хитайлардики пүтүн уйғурларни қиривәтсиму пухадин чиқмайдиған нәпрәтни көрдүм”

Мухбиримиз нуриман
2022.03.18
Share on WhatsApp
Share on WhatsApp
Гүлбаһар хативаҗи: “лагер һаятимда хитайлардики пүтүн уйғурларни қиривәтсиму пухадин чиқмайдиған нәпрәтни көрдүм” “илай весел инсанийәт фонди” ни қурғучи елай виселиниң оғли елайша висел (әлиша виәсәл) лагер шаһити гүлбаһар хативаҗи ханимни зиярәт қилди вә гүлхумар хативаҗи(гүлбаһарниң қизи) тәрҗиманлиқ қилди. 2022-Йили 16-март.
Ziyaret jeryanida süretke élin’ghan

Нөвәттә фирансийәдә яшаватқан лагер шаһиди гүлбаһар хативаҗи ханим 2020-йили фирансийәлик журналист розен моргант билән бирликтә лагердики кәчүрмишлирини “хитай гулагидин һаят қалған гүлбаһар хативаҗиниң гуваһлиқи” дегән намда фирансузчә нәшир қилдурған иди. Фирансузчә нәширидин кейин, мәзкур китаб арқа-арқидин “хитай лагеридин һаят қалғучи” намида ингилизчигә, “хитай лагеридин қандақ қутулдум?” дегән намда түркчигә тәрҗимә қилинған.

Мәлум болушичә, йеқинда хитайда ахирлашқан қишлиқ олимпек хәлқарада “хитайниң мәғлубийити” дәп қаралған. Нөвәттики русийә-украина урушида хитайниң русийәни қоллиши, дунядики демократик әлләр тәрипидин “хитай русийә билән бирлишип дуня тинчлиқини бузуватиду” дәп қаралмақта. Хитай пүтүн дуняда күчлүк қаршилиққа учраватқан бир вәзийәттә, хитайниң уйғурларға йүргүзүватқан ирқий қирғинчлиқи, лагерларға соланған уйғурларниң ечинишлиқ паҗиәси қайтидин күнтәртипкә келишкә башлиған.

16-Март күни америкадики бир қанчә уйғур тәшкилатлири бирлишип, язғучи, нобел әдәбият мукапатиниң саһиби вә йәһуди чоң қирғинчилиқтин аман қалғучи елай висел (Elie Wiesel) қурған “илай весел инсанийәт фонди” билән бирлишип, лагер шаһиди гүлбаһар хативаҗи ханим билән “хитайниң лагеридин қандақ һаят қалдим” дегән тимида тор сөһбити өткүзгән.

Елайша висел (Elisha Wiesel) “илай весел инсанийәт фонди” ни қурғучи елай виселиниң оғли болуп, мәзкур сөһбәткә риясәтчилик қилған. Сөһбәт җәрянида гүлбаһар хативаҗи ханимниң қизи гүлхумар хативаҗи тәрҗиманлиқ қилған. Гүлбаһар хативаҗи ханим икки йиллиқ лагер һаятиниң өзиниң пүткүл һаятини қандақ өзгәрткәнликини аңлатқан.

Сөһбитимизниң тәпсилатини төвәндики улиништин аңлиғайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.