Лагер шаһити гүлзирә авулқанқизи: «адәм көпийип кәткәндә бир мәзгил чиләккә тәрәт қилдуқ»

Мухбиримиз шөһрәт һошур
2019-05-16
Елхәт
Пикир
Share
Принт
Лагер шаһити гүлзирә авулқанқизи йотубе торида гуваһлиқ баянати елан қилмақта. 2019-Йили 29-апрел.
Лагер шаһити гүлзирә авулқанқизи йотубе торида гуваһлиқ баянати елан қилмақта. 2019-Йили 29-апрел.
Social Media

Лагер шаһити гүлзирә авулқанқизи ғулҗа наһийисидә лагерда ятқан мәзгилидә 4 қетим орни алмашқанлиқини, икки қетимлиқ орни алмашқанда бу лагерларниң бир қисим ятақлирида һаҗәтхана болмиғачқа 3 айчә чиләккә тәрәт қилғанлиқини ашкарилиди. Өткән һәптә зияритимизни қобул қилған сабиқ карханичи нурмәмәт абдулламу өзиниң «5‏-июл вәқәси» дә тутқун қилинған вақтида йәкәндики бир сиясий тәрбийә мәркизидә чиләккә тәрәт қилғанлиқини баян қилған иди.

Һөрмәтлик радио аңлиғучилар, лагер шаһити гүлзирә авулқанқизиниң ашкарилишичә, у тутқундики 15 ай мәзгилидә 4 қетим лагердин лагерға алмашқан. Бу җәрянда аз дегәндә 18 киши билән, көп болғанда 65 киши билән бир ятақта ятқан. 2017‏-Йили11‏-айниң 1‏-күнидин 2018‏-йили 7‏-айниң 2‏-күнигичә, кона тоқумичилиқ фабрикисиниң орнидики лагерға йөткәлгән. Бу лагерниң бәзи ятақлирида һаҗәтхана болмиғанлиқи үчүн у бу лагердики бир ятақта бир айчә чиләккә тәрәт қилған.

У 2018‏-йили 7‏-айниң 2‏-күнидин 8‏-айниң 26‏-күнигичә ғулҗа наһийилик 4‏-оттура мәктәптики лагерға йөткәлгән. Бу лагерниң ятақ әслиһәлири толуқ болмиғанлиқи үчүн бу лагердиму икки айчә чоң бир қизил чиләккә тәрәт қилған.

Мәлум болушичә, тутқунларниң чиләккә тәрәт қилиши лагерлар қурулуштин бурун, йәни «5‏-июл вәқәси» дин кейинки кәң көләмлик тутқун давамидиму көрүлгән. Сабиқ карханичи нурмәмәт абдулланиң өткән һәптидики зияритимиз давамида дейишичә, у «5‏-июл вәқәси» дин кейин тутқун қилинғанда йәкәндә дәсләптә 6 айчә қамақта ятқан болса, кейинчә йәнә 6 айчә аталмиш «сиясий тәрбийә» курсида тәрбийиләнгән. Бу җәрянда у бу курста чүшкичә сиясий өгиниш елип барған болса, чүштин кейин әмгәккә селинған. Шу чағдиму нөвәттики йиғиливелиш лагерлирида көрүлгән пичақ биси шәклидә янму-ян қистилип йетиш вә чиләккә тәрәт қилиш қатарлиқ искәнҗә характерлик ятақ шараитини баштин кәчүргән икән.

Пикирләр (0)
Share
Толуқ бәт