Lagér shahiti gülzire awulqanqizi: "Adem köpiyip ketkende bir mezgil chilekke teret qilduq"

Muxbirimiz shöhret hoshur
2019-05-16
Élxet
Pikir
Share
Print
Lagér shahiti gülzire awulqanqizi yotubé torida guwahliq bayanati élan qilmaqta. 2019-Yili 29-aprél.
Lagér shahiti gülzire awulqanqizi yotubé torida guwahliq bayanati élan qilmaqta. 2019-Yili 29-aprél.
Social Media

Lagér shahiti gülzire awulqanqizi ghulja nahiyiside lagérda yatqan mezgilide 4 qétim orni almashqanliqini, ikki qétimliq orni almashqanda bu lagérlarning bir qisim yataqlirida hajetxana bolmighachqa 3 ayche chilekke teret qilghanliqini ashkarilidi. Ötken hepte ziyaritimizni qobul qilghan sabiq karxanichi nurmemet abdullamu özining "5‏-Iyul weqesi" de tutqun qilin'ghan waqtida yekendiki bir siyasiy terbiye merkizide chilekke teret qilghanliqini bayan qilghan idi.

Hörmetlik radi'o anglighuchilar, lagér shahiti gülzire awulqanqizining ashkarilishiche, u tutqundiki 15 ay mezgilide 4 qétim lagérdin lagérgha almashqan. Bu jeryanda az dégende 18 kishi bilen, köp bolghanda 65 kishi bilen bir yataqta yatqan. 2017‏-Yili11‏-ayning 1‏-künidin 2018‏-yili 7‏-ayning 2‏-künigiche, kona toqumichiliq fabrikisining ornidiki lagérgha yötkelgen. Bu lagérning bezi yataqlirida hajetxana bolmighanliqi üchün u bu lagérdiki bir yataqta bir ayche chilekke teret qilghan.

U 2018‏-yili 7‏-ayning 2‏-künidin 8‏-ayning 26‏-künigiche ghulja nahiyilik 4‏-ottura mekteptiki lagérgha yötkelgen. Bu lagérning yataq esliheliri toluq bolmighanliqi üchün bu lagérdimu ikki ayche chong bir qizil chilekke teret qilghan.

Melum bolushiche, tutqunlarning chilekke teret qilishi lagérlar qurulushtin burun, yeni "5‏-Iyul weqesi" din kéyinki keng kölemlik tutqun dawamidimu körülgen. Sabiq karxanichi nurmemet abdullaning ötken heptidiki ziyaritimiz dawamida déyishiche, u "5‏-Iyul weqesi" din kéyin tutqun qilin'ghanda yekende deslepte 6 ayche qamaqta yatqan bolsa, kéyinche yene 6 ayche atalmish "Siyasiy terbiye" kursida terbiyilen'gen. Bu jeryanda u bu kursta chüshkiche siyasiy öginish élip barghan bolsa, chüshtin kéyin emgekke sélin'ghan. Shu chaghdimu nöwettiki yighiliwélish lagérlirida körülgen pichaq bisi sheklide yanmu-yan qistilip yétish we chilekke teret qilish qatarliq iskenje xaraktérlik yataq shara'itini bashtin kechürgen iken.

Toluq bet