80 яшлиқ муһаҗир мәһмәттохти әмин тутқундики пәрзәнт вә нәврилири һәққидә гуваһлиқ бәрди

Мухбиримиз шөһрәт һошур
2019-11-04
Елхәт
Пикир
Share
Принт
Тутулуп кәткән уруқ-туғқанлири үчүн гуваһлиқ бәргән, түркийәдә яшаватқан 80 яшлиқ муһаҗир мәһмәттохти әмин ака.
Тутулуп кәткән уруқ-туғқанлири үчүн гуваһлиқ бәргән, түркийәдә яшаватқан 80 яшлиқ муһаҗир мәһмәттохти әмин ака.
Mehmettoxti Emin Teminligen

25 Йилдин буян түркийәдә яшаватқан 80 яшлиқ муһаҗир мәһмәттохти әмин ака бүгүн радийомизға учур йоллап қәшқәр тоққузақта тутулуп кәткән вә из-дерики мәлум болмайватқан пәрзәнт вә нәврилири һәққидә гуваһлиқ бәрди.

Дейилишичә, униң тоққузақ ләнгәр йезисида 5 пәрзәнти, 15 нәвриси вә 12 пәйнәвриси бар болуп, у 2017 ‏-йили булардин 4 нәпириниң кесилип кәткәнлики вә 6 нәпириниң лагерға әкетилгәнликидин хәвәр тапқан; әмма 2017 ‏-йилдин һазирға қәдәр қалған аилә-әзалириниң тәқдири һәққидә һечқандақ учур алалмиған. Ләнгәрдики бир кәнт сақчиси мәһмәттохти әминниң балилиридин иккисиниң аилисидинла 5 кишиниң тутқунда икәнликини дәлиллиди. Төвәндә мухбиримиз шөһрәт һошурниң бу һәқтә тәйярлиған программиси диққитиңларда болиду. 

Аңлаватқиниңлар нөвәттә түркийәниң истанбул шәһиридә яшаватқан мәһмәттохи әмин акиниң тутқундики пәрзәнт вә нәврилири һәққидики гуваһлиқ баянати. Униң дейишичә, тоққузақта, униң полатҗан, яқупҗан вб абдуғаппар қатарлиқ бәш пәрзәнти бар болуп, булардин абдуғаппарҗан, илгири бир қетим түркийәгә кәлгәнлики үчүн тутулған вә 7 йиллиқ кесиветилгән. Чоң оғли полатҗан, 2016 ‏-йилниң ахири түркийәгә келип 20 күн туруп кәткәнлики үчүн тутулған. 

У юрттики алақидар қаналлири арқилиқ, 2017 ‏-йилиниң бешида пәрзәнт вә нәврилиридин болуп җәмий 4 кишиниң түрмидә, 6 кишиниң лагерда икәнликидин хәвәр тапқан, әмма қалған 20 дин артуқ аилә тавиабатиниң тәқдири һәққидә һечқандақ учур алалмиған. 2017 ‏-Йили лагерға адәм топлаш йеңидин башланған мәзгил болғачқа шуниңдәк 2017 ‏-йилиниң ахири вә 2018 ‏-йилиниң башлирида йәнә долқун характерлик адәм тутуш давам қилған болғачқа, мәһмәттохти әмин ака, қалған аилә-тавиабатиниң әһвалидин әндишигә чүшкән. Телефонимизни қобул қилған тоққузақ наһийә ләнгәр йезилиқ сақчи хадими мәмәттохти әмин акиниң аилә-тавиабати һәққидә мәлумат беришни рәт қилди. Әмма телефонимизни қобул қилған бир кәнт сақчиси мәһмәттохти әминниң пәрзәнтлиридин өзи билидиған иккисиниң аилисидинла 5 кишиниң түрмидә икәнлики, булардин биригә 10 йиллиқ қамақ җазаси берилгәнликини ашкарилиди. 

Мәһмәттохти ака, гуваһлиқ баянатида бир қиз нәврисиниң хитай өлкилиригә ишләмчиликкә әкетилгәнлики вә шу йәрдә диний түстә кийим кәйгәнлики үчүн 5 йиллиқ кесиветилгәнликини тилға алғаниди. Ләнгәр йезисики бир кәнт сақчиси, бу учурларниң тоғрилиқини дәлиллиди. 

Мәһмәттохти ака гуваһлиқ баянатиниң ахирида әқлигә кәлгәндин буян хитай зулумини көрүп вә униңға учрап кәлгәнликини, әмди бу тәқдиргә пәрзәнтлиридин башқа йәнә нәврилириниңму дуч келиватқанлидин шикайәт қилди. 

Һөрмәтлик радио аңлиғучилар, юқурида, түркийәдики 80 яшлиқ муһаҗир мәһмәттохти әминниң қәшқәр тоққузақта тутқундики пәрзәнт вә нәврилири һәққидә бәргән гуваһлиқ баянати һәққидә аңлитиш бәрдуқ.

Пикирләр (0)
Share
Толуқ бәт