Osloda “Hedemni izdep” namliq filim körsitilgen we “Uyghur irqiy qirghinchiliqi” tonushturulghan

Ixtiyariy muxbirimiz ekrem
2022.05.24
Share on WhatsApp
Share on WhatsApp
Osloda “Hedemni izdep” namliq filim körsitilgen we “Uyghur irqiy qirghinchiliqi” tonushturulghan “Oslo erkinlik munbiri” yighinining sehne körünüshi.
RFA/Ekrem

Amérika xelq'araliq diniy erkinlik komitétining mu'awin re'isi nuri'i türkel ependi, Uyghur herikiti teshkilatining diréktori roshen abbas xanim, Uyghur tetqiqat merkizining mudiri abdulhekim idris, ilham toxtining qizi jewher ilham we kanadadin kelgen Uyghur siyasiy aktipliridin mukerrem qurban qatarliqlar 22-maydin bashlap norwégiye paytexti oslogha jem bolup, bir qatar siyasiy pa'aliyetlerni élip barghan.

Roshen abbas xanimning oslodin bergen melumatlirigha asaslan'ghanda, 23-may oslodiki wika kinoxanisida xitayning jaza lagérliridiki zulumlar teswirlen'gen “Hedemni izdep” namliq filim körsitilgen. Filimdin kéyin, ular osloda birqatar muhim uchrishishlarda bolghan.

“Oslo erkinlik munbiri” yighinida sözge chiqqanlar. 2022-Yili 22-may, oslo, norwégiye.
“Oslo erkinlik munbiri” yighinida sözge chiqqanlar. 2022-Yili 22-may, oslo, norwégiye.
RFA/Ekrem

Norwégiyede yashaydighan d u q ijra'iye komitétining mu'awin re'isi semet abla ependining bildürüshiche, 23-maydin bashlap norwégiyede “Oslo erkinlik munbiri” yighini bashlan'ghan. 3 Kün dawamlishidighan xelq'araliq bu yighin birqanche yildin buyan Uyghurlar üchünmu alahide sehipe ajritip kéliwatqan bolup, 23-24-may künliri Uyghur siyasiy aktipliri bu yighinda nutuqlar sözlep zor tesir qozghighan.

Uyghur tetqiqat merkizining mudiri abdulhekim idrisning bayan qilishiche, 23-may nuri türkel we roshen abbaslar “Oslo erkinlik munbiri” yighinida Uyghurlar mesilisini anglatqan. 24-May xitay türmisidiki Uyghur öktichi ziyaliysi ilham toxtining qizi jewher ilham “Oslo erkinlik munbiri” yighinida sözligen nutqida sherqiy türkistandiki “Uyghur irqiy qirghinchiliqi” mesilisini etrapliq otturigha qoyghan. Kanadadin kélip bu pa'aliyetlerge ishtirak qilghan mukerrem qurban xanim osloda dawamlashqan 4 künlük pa'aliyetning Uyghur dewasi üchün ehmiyetlik bolghanliqini tilgha aldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.