Xitay saqchiliri shénjéndiki bir Uyghurning öyige közitish apparati ornatqan

Muxbirimiz jüme
2020-04-05
Share
Seperjan-Shenjen-202004.jpg Xitayning shénjén shehiride yashawatqan "Seperjan" isimlik Uyghur yash wéybogha yollighan uchurlar.
Social Media

Xitayning shénjén shehiride yashawatqan bir Uyghur yash wéybo hésabida uchur tarqitip, xitay saqchilirining öyige Uyghur bolghanliqi üchünla közitish apparati ornatqanliqini bayan qilghan.

"Seperjan" isimlik bu Uyghur yash wéybogha yollighan uchurlar amérikidiki xitayshunas jeymis miliward teripidin tiwttérgha chaplan'ghan. 

Uchurgha qarighanda, seperjan mundaq yazghan: "Saqchilar öyümge közitish apparati ornatqini körginingizde méni birer jinayet sadir qilghanmidu, dep oylap qélishingiz tebi'iy. Elwette undaq emes, bu peqet men Uyghur bolghanliqim üchünla shundaq boldi."

U yene apparat ornatqan saqchilardin aghrinmaydighanliqini, ularningmu yuqirining toghra-xata siyasiy qararlirini ijra qilishqa mejbur ikenlikini, saqchilarning qaytishida "Özliridimu amal yoqluqi, döletning siyasiti shundaq" liqini éytqanliqini bayan qilghan. 

Seperjan yene bir yazmisida "Özining öyige közitish apparat ornitilghan tunji yaki eng axirqi Uyghur emes" likinimu qoshumche qilghan. 

Jeymis miliward tiwittér uchurida bu "Dölet siyasiti" ning irqiy we milliy perq asasida yürgüzülidighan öylerni közitish siyasiti ikenlikini körsetken. 

U yene, xitay kompartiyesining prézidént trampning korona wirusini xitaygha baghlishini "Irqchiliq" dep eyibligenlikini, emma xitay "Kompartiyesi shinjang we xitayning bashqa jayliridiki Uyghurlargha qaratqan siyasetning eng dehshetlik irqiy kemsitish siyasiti" ikenlikni bildürgen.

Xitay hökümiti 2016-yilining axiridin bashlap Uyghurlargha qaratqan basturush we teqiblesh siyasitini misli körülmigen derijide kéngeytken we 1 milyondin 3 milyon'ghiche Uyghur we bashqa türkiy xelqlerni lagérlargha tashlighan.

Uningdin bashqa Uyghur rayonida kölemleshken közitish sistémisi arqiliq saqchi döliti berpa qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet