IPAC Ning omumiy yighinida Uyghurlar mesilisi muhim témilar qataridin orun aldi

Washin'gtondin muxbirimiz nur'iman teyyarlidi
2023.09.05
zumretay-piraga Chéxiye paytexti piragada “Xitaygha qarshi parlaméntlar komitéti” (qisqiche aypek-IPAC) ning üchinchi qétimliq omumiy yighinidin körünüsh, 2023-yili 1-séntebir, piraga
Dunya Uyghur qurultiyi

1-Séntebir küni 25 dölettin kelgen 50 parlamént ezasi chéxiye paytexti piragada “Xitaygha qarshi parlaméntlar komitéti” (qisqiche aypek-IPAC) ning üchinchi qétimliq omumiy yighini üchün toplan'ghan. Mezkur komitétning chéxiye awam palatasi we kéngesh palatasida élip barghan yighini ikki kün dawamlashqan.

IPAC Ning resmiy tor bétidiki melumatlargha asaslan'ghanda, mezkur yighinining yadroluq nuqtisi xitaygha munasiwetlik alte téma , yeni teywen, énérgiye menbesi jehette yéngi yollarni tépish, dölet halqighan basturush, xongkong, “Bir belbagh bir yol” pirogrammisi we kishilik hoquq qatarliqlar üstide bolghan. Yighinda qanun chiqarghuchilar bu témilargha munasiwetlik höjjetlerni birlikke keltürüsh hemde kelgüsi bir yilda mushu mesililerni hel qilishqa munasiwetlik pa'aliyetler heqqide muzakiriler élip bérilghan.

Mezkur yighin'gha chéxiye tashqi ishlar ministiri we awam palatasining re'isi, shundaqla dunyaning  her qaysi jayliridin kelgen dangliq mutexessisler, siyasiy pa'aliyetchiler teklip bilen qatnashqan. Bu yighin'gha qatnashqan siyasiy pa'aliyetchiler qatarida dunya Uyghur qurultiyi london ishxanisining mudiri rehime mehmut xanim bilen dunya Uyghur qurultiyining pirogramma diréktori zumret'ay erkin xanimlar bar iken. Ular bu yighinda xitayning Uyghurlargha qaritiwatqan basturush siyasetliri, buning netijiside kélip chiqqan éghir  mesililer we uni hel qilishning yolliri heqqidiki tekliplirini otturigha qoyghan.

Rehime xanim bu heqte radiyomizning ziyaririni qobul qildi. U, yighinda özi otturigha qoyghan mesililer heqqide toxtaldi. U yene IPAC wekillirining wezipilirini eskertip ötti. Rehime xanimning bildürüshiche, u mezkur komitétining meslihetchiliri qataridin orun alghan.

2020-Yili qurulghan “Xitaygha qarshi parlaméntlar komitéti” amérika kéngesh palata ezasi marko rubiyo we robért ménéndéz, yawropa parlaméntining ezasi réynxard butikofér qatarliq muhim shexslerdin teshkil tapqan bolup, “Xelq'ara tertipni we kishilik hoquqni qoghdash hemmimizning ortaq mes'uliyiti” dégen sho'arni özlirige ortaq nishan qilghan iken.

Chéxiye paytexti piragada “Xitaygha qarshi parlaméntlar komitéti” (qisqiche aypek-IPAC) ning üchinchi qétimliq omumiy yighinidin körünüsh, 2023-yili 1-séntebir, piraga

Rehime xanim IPAC ning xitayning künséri küchiyiwatqan tehditige qarshi téz sür'ette kéngiyiwatqan bir komitét ikenlikini, shunga xitayning bu birlikke pütün küchi bilen qarshi chiqiwatqanliqini tekitlidi.

Zumret'ay xanimning radiyomizgha bildürüshiche, Uyghur mesilisi mezkur yighinida muhim mesililer qataridin orun alghan.  U yighinda Uyghur qirghinchiliqning nahayiti jiddiy mesile ikenlikini otturigha qoyghan.

IPAC Omumi yighinining axirida maqullan'ghan qararda, mezkur komitétning Uyghur rayoni we uning sirtida xitayning wehshiy siyasetlirining ziyankeshlikige uchrawatqan Uyghurlar üchün élip bériwatqan küreshlirini dawamlashturidighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.