Enqerede tunji Uyghur ashxanisi échildi

Türkiyening paytexti enqerede “Uyghur suprisi” namliq tunji Uyghur ashxanisi échildi.

Ashxanida leziz Uyghur tamaqlirining pütün türliri bar bolup, bu yilliq ramizan dawamida enqerediki Uyghurlar iptar ziyapetlirini bu ashxanida ötküzdi.

Enqerediki“Uyghur suprisi” ashxanisi sheher merkizige yéqin bolghan jebeji tötyol mehellisige jaylashqan bolup, ashxana enqerede yashawatqan we ottura asiya türkiy jumhuriyetliridin kelgen oqughuchilar toplinidighan jayigha aylan'ghan.

Burun enqerede özbék, qazaq, qirghiz we tatarlarning ashxanisi bar bolup, Uyghur ashxanisi yoq idi.

Bu tunji échilghan ashxana toghrisida téximu tepsiliy melumat élish üchün ashxanining xojayini yaqup qaraxan ependi we ashxanida tamaq yewatqan xéridarlargha mikrofonimizni uzattuq.

Yaqup qaraxan sözide Uyghurlarning yémek kültürini tonutush üchün bu ashxanini achqanliqini tekitlidi.