Qaramay shehiridiki Uyghurlar topliship olturaqlashqan rayonda öyler chéqilmaqta

Ixtiyariy muxbirimiz éhsan
2015-12-07
Share
qaramay-dashigo-oy-cheqish-1.jpg Qaramay shehiridiki Uyghurlar topliship olturaqlashqan rayonida öylerning mejburi chéqiliwatqan körünüshi. 2014-Yili..
Photo: RFA

Qaramay shehiride 25-mart seher sa'et 1 lerde yüz bergen dashigo rayonidiki Uyghurlar topliship olturaqlashqan mehellidiki ot apitidin kéyin 6-ayning 25-künigiche yerlik da'iriler apetke uchrighanlarni, 3 ayliq ijare öy heqqini bérip waqitliq turaqlashturghan idi.

Yéqinda qaramay rayonluq sheher bashqurush qanun ijra qilish idarisi tor bétide élan qilghan xewiride, 11-ayning bashlirida yer-zémin idarisi qatarliq birleshme guruppilardin 20din artuq qanun ijra qilghuchi xadimning qatnishishi bilen gherbiy tashliq jilghisi rayonida qanunsiz öy salghan 27 a'ililikni, dashigo rayonida qanunsiz sélin'ghan 32 a'ililik bolup, 3600 kwadrat métirliq yerdiki öylerni chéqiwetkenlikini xewer qilghan.

Biz qaramay rayonidiki munasiwetlik hökümet tarmaqlirigha téléfon qilip, öyliri chéqilghan kishilerni orunlashturush mesilisi we hökümetning ulargha qarita parawanliq tedbirliri békitken yaki békitmigenliki we bashqa ehwallarni igileshke tirishtuq.

Qaramay sheherlik alaqidar idarige téléfon qilip alaqe qilishqa tirishqan bolsaqmu téléfon qobul qilinmidi. Biraq, biz qaramay shehiridiki bir qisim ahalilerge téléfon qilip ehwal igileshke tirishtuq. Ziyaritimizni qobul qilghan yerlik Uyghurlarning inkas qilishiche, qaramay sheherlik hökümet qaramay nopusi bolmighan puqralar üchün, töt yürüsh töwen ijariliq bina salghan bolup, ulargha teqsim qilin'ghan öyler bir éghizliq, hajetxanisi bar, emma ashxanisi yoq bina öy ikenliki, bu öylerni élish üchün choqum aldi bilen öyni chéqish toxtamigha qol qoyush kérekliki, öyi chéqilghandin kéyin andin 23 kwadrat métirliq öyge ige bolidighanliqi, ijare öyge muncha we is tatqu ornitishqa ruxset qilinmaydighanliqi melum boldi.

Da'iriler muncha üchün ammiwi muncha salidighanliqini uqturghan.

Nurghun Uyghurlar bundaq kichik öyde hem tamaq étip yéyish, baliliq yétip qopush epsizlikini inkas qilsimu, da'iriler chatiqi bo lmayla qalmastin, yéshi chonglar üchünmu yuqiri qewettin öy teqsim qilghan. Qaramay ahaliliri bu heqte sorighan so'allirimizgha jawab berdi.

Ot apitidin kéyin qurulghan hökümet bilen söhbet ötküzüsh wekili ichidiki 5 kishidin ablimitxan we tursinaxun isimlik 50 yashlar etrapidiki ikki kishi qaramay sheherlik dölet bixeterlik idarisi teripidin tuyuqsiz tutqun qilin'ghan idi.

Igilesh dawamida yene, ot apitidin kéyin tutqun qilin'ghan ablimitxan a'ile tawabi'atlirigha töwen ijarilik öy teqsim qilin'ghan bolsimu, emma yerlik da'iriler uninggha qandaq jinayet bilen höküm élan qilghanliqini ashkara qilmighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet