Jewlan shirmemet: "Xitayning zulumidin apam mehbus, dadam késel, ukam gumandar"

Muxbirimiz shöhret hoshur
2020-01-15
Élxet
Pikir
Share
Print
Jewlan shirmemet apisi süriye tursun bilen birge.
Jewlan shirmemet apisi süriye tursun bilen birge.
Photo: RFA

Melum bolushiche, qorghas nahiyelik soda-sana'et birleshmiside 30 yil xizmet qilghan, bu yil 56 yashqa kirgen süriye tursun türkiyede oquwatqan oghli jewlan shirmemet bilen didarlishish we uning oquwatqan mektipini öz közi bilen körüsh üchün 2013 ‏-yili bir sayahet guruppisi terkibide türkiyede 15 kün ziyarette bolghan. Emma u chet'eldiki balisi'ini körüshningmu "Jinayet" sanilip qélishini héch texmin qilmighan. 2018‏-Yilning béshida yoldishi we kichik oghli bilen ilgiri-kéyin tutup kétilgen süriye tursun 2019‏-yilning béshida "Dölet ma'aripini közge ilmasliq" bilen eyiblinip 5 yilliq késiwétilgen. Yoldishi shirmemet lagérda éghir késelge muptila bolghandin kéyin a'ilisige qayturulghan, kichik oghli namelum seweb bilen qoyup bérilip, "Sabiq tutqun" dégen namda jem'iyette nazaret astigha élin'ghan. Töwende bu a'ilining qismitini süriye tursunning türkiyediki oghli jewlan shirmemetning öz éghizdin anglaysiler.

Hörmetlik radiyo anglighuchilar, türkiyede yashawatqan jewlan shirmehemmet bilen ötküzülgen yuqiriqi söhbettin kéyin biz uning anisining ehwali heqqide qorghas nahiyelik soda-sana'etni memuri bashqurush idarisidin melumat soriduq. Alaqidar xadimlar süriye tursun heqqide éghiz échishtin özlirini qachurdi. Emma ular özlirining ilgiri süriye tursun dep bir xizmetchisi bolghanliqi we tutqunda ikenlikini inkar qilmidi. Mezkur idarisining bir bölüm bashliqi süriye tursun heqqide özining melumat bérelmeydighanliqi we bu heqte j. X. Tarmaqliridin melumat élishimizni tewsiye qilish arqiliq jewlan shirmemetning a'ilisi heqqide igiligen uchurimizning toghriliqini isharetlidi. 

Tepsilatini yoqiriqi awaz ulinishidin anglighaysiler.

Toluq bet