Memet toxti: kanadagha panahliq tilep kélidighan Uyghurlar bilishke tégishlik muhim ishlar bar

Washin'gtondin muxbirimiz uyghar teyyarlidi
2023.11.22
Semeer-Zuberi Ongdin solgha kanada qatnash ministiri omar alghabra, kanadadiki “Uyghur heqlirini himaye qilish qurulushi” ning ijra'iye diréktori memet toxti, kanada bash ministiri jastin trudo, dunya Uyghur qurultiyining re'isi dolqun eysa, dunya Uyghur qurultiyi ijra'iye komitéti re'isi ömer qanat, kanadada hakimiyet béshidiki libérallar partiyesidin kélip chiqqan kanada parlamént ezasi semir zuberi (Sameer Zuberi) bille chüshken xatire süret, 2023-yili 30-yanwar, ottawa
X/@SameerZuberi

Chet elde turupmu xitayning bésimi astida yashawatqan, özliri turushluq döletning qoghdishigha érishelmigen, xitaygha qayturulush xewpi astida turuwatqan we charisiz qalghan 10 ming Uyghur we bashqa türkiy xelqlerni kanadagha élip kélishke türtke bolidighan qanun layihesi bu yil 2-ayda kanada parlaméntida awazgha qoyulup  toluq awaz bilen qobul qilin'ghanidi. 2023-Yili 11-ayning 1-küni  kanada hökümiti bu qanunning  2024 yili 1-aydin bashlap resmiy ijra qilidighanliqi heqqide kanada parlaméntqa bildürüp  munasiwetlik xamchotni testiqlighan idi.

 Erkin, démokratik dölet kanadagha kélip yéngi hayat qurushni arzu qiliwatqan on minglighan Uyghur musapirlirining bu heqtiki eng yéngi tereqqiyat we bilishke tégishlik ishlar heqqide toghra we tepsiliy uchurlargha érishishni arzu qiliwatqanliqi bilinmekte. Biz bu éhtiyajni közde tutup, kanadadiki “Uyghur heqlirini himaye qilish qurulushi” ning ijra'iye diréktori memet toxti ependi söhbet élip barduq. Hemmeylen'ge melum bolghinidek, memet toxti ependi 10  ming Uyghur musapirning kanadagha kélishige munasiwetlik qanunning qobul qilinishida zor rol oynighan bolup,  emdi bu qanunning ijra qilinishi üchün kanada hökümiti bilen hemkarliship xizmet qilip kelmekte. 

Memet toxti ependi bizge panahliq tilesh shertliri we jeryani, munasiwetlik matériyallarni teyyarlash, iltimasni qilish shekli, kanada hökümiti bilen alaqilishish usulliri we kanadagha kelgendin kéyinki yéngi hayat heqqide tepsiliy melumat berdi.  

Axirida, memet toxti ependi kanadadin panahliq tilep köchmen bolup kélishni arzu qilghan Uyghur musapirliri bashqa qilishqa tégishlik ishlar heqqide muhim uchur berdi.

Söhbitimizning tepsilatini yuqiriqi awaz ulinishidin anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.