Memet toxti: “Biz qanuni we tinchliq yoli bilen Uyghurlarni kanadagha choqum élip kélimiz”
2023.06.14
Kanadadiki “Uyghur heqlirini himaye qilish qurulushi” ning ijra'iye diréktori memet toxti ependi kanadagha kélidighan 10,000 Uyghur toghriliq kanada yéngi démokratlar partiyesi millet wekili xézér mikfirson(Heather McPherson) xanim bilen körüshti. 2023-Yili iyun.
FB/Memet Tohti
10 Ming Uyghur musapirning kanadagha kélishige munasiwetlik xizmetlerning konkrét qedem-basquchlirining bashlinishi bilen, minglighan musapir Uyghurlar özliri turuwatqan bezi döletlerdiki herxil qiyinchiliqtin qutulup bixeter, démokratik dölet bolghan kanadagha kélip yashashni sewrsizlik bilen kötmekte.
Ijtima'iy taratqularda bir qisim kishilerning pursetni gheniymet bilip, yardem qilish bahanisi bilen “Qoymichiliq” qilishqa urun'ghanliqi toghruluq söz-chöchekler yéyilmaqta. Biz Uyghur musapirlirigha bilishke tégishlik we kélishtin burun qilishqa tégishlik ishlar toghrisida toghra uchurlarni yetküzüsh meqsitide, 10 ming Uyghur musapirning kanadagha kélishini qobul qilghan qanunning qobul qilinishigha we bu qanunning ijra qilinish jeryanidiki konkrét xizmetlerde kanada hökümiti bilen hemkarliship xizmet qiliwatqan kanadadiki “Uyghur heqlirini himaye qilish qurulushi” ning ijra'iye diréktori memet toxti ependi bilen mexsus söhbet élip barduq.
Memet toxti ependi, özlirining Uyghurlar turushluq döletler xitay terepte turup Uyghurlarni dawamliq qurban qiliwersimu, beribir qanuni we tinch yol bilen Uyghurlarni kanadagha choqum élip kélidighanliqini, Uyghur musapirlirining kanadagha kélishini héchqandaq küch tosup qalalmaydighanliqini alahide tekitlidi. Yardem qilish bahanisi bilen “Qoymichiliq” qilishqa urun'ghan kishilerning barliqini we bu kishilerdin hoshyar bolush kéreklikini tilgha aldi. Axirida kanadagha köchmen bolup kélishni arzu qilghan Uyghur musapirliridin hazirdin bashlap qilishqa tégishlik ishlar toghrisida muhim uchur berdi.
Söhbitimizning 2-qismining tepsilatini yuqiriqi awaz ulinishidin anglighaysiler.
Köp körülgen xewerler
RFA
- Parizhda otturigha chiqqan “Shinjangliq” larning kimliki ashkarilandi
- Tuzini yep, tuzluqini chéqish: xitay yazghuchisi wang méngning Uyghur söygüsi qanchilik?
- Xitay özini aqlash üchün “B d t 16-nöwetlik az sanliqlar munbiri” de bir neper Uyghur ayalni sehnige chiqarghan
- Yekenlik muhemmet tursun akining musapirliq hékayisini uning ewladliri dawamlashturmaqta (2)
- “Sherqiy türkistan islam jumhuriyiti” (1933-1934) namliq kitab yoruq kördi
Köp körülgen xewerler
Tepsiliy xewer
- Uyghurlarning küresh qissesi, 3-qisim: yash ewladlarni küchlendürüsh
- Yekenlik muhemmet tursun akining afghanistan we pakistandiki musapirliq hékayesi(1)
- Xitayda qayta yamrighan nepes yolliri we öpke yallughi yuqumi endishe qozghidi
- Bawariye sen'et sehniside ghelibige érishken Uyghur ewladliri
- Dunya Uyghur qurultiyi “9-Dékabir Uyghur irqiy qirghinchiliqi küni” de keng-kölemlik namayish qilishqa chaqirdi