Американиң бостон шәһиридә шәрқий түркистан байриқи чиқирилди

Мухбиримиз әркин
2019-11-12
Елхәт
Пикир
Share
Принт
Американиң бостон шәһәрлик һөкүмәт бинасиниң алдида шәрқий түркистанниң ай юлтузлуқ көк байриқи чиқирилди. 2019-Йили 12-ноябир.
Американиң бостон шәһәрлик һөкүмәт бинасиниң алдида шәрқий түркистанниң ай юлтузлуқ көк байриқи чиқирилди. 2019-Йили 12-ноябир.
Photo: RFA

12-Ноябир күни, американиң массачусетс штатиниң мәркизи бостон шәһириниң һаваси соғуқ һәм һөл-йеғинлиқ бир күн болғаниди. Лекин соғуқ вә ямғурға қаримай, шу күни чүш вақти саәт 12:00 дә, бостон шәһәрлик һөкүмәт бинаси алдиға топланған уйғурлар америка уйғурлириниң тарихидики символлуқ әһмийити зор бир паалийәтни ишқа ашурди.

Шу күни, массачусетс штатида олтурушлуқ уйғурлар, шундақла американиң виргинийә штатидин кәлгән уйғурлар болуп бир топ җамаәт, бостон шәһәрлик һөкүмәт бинасиниң алдида шәрқий түркистанниң ай юлтузлуқ көк байриқини чиқириш мурасими өткүзди. Ай юлтузлуқ көк байрақ шәрқий түркистан миллий марши садаси билән бостон шәһәрлик һөкүмәт бинасиниң алдидики хадида аста-аста өрләп, җәвлан қилинишқа башлиди.

Мәзкур паалийәтниң 1933-йили вә 1944-йили қурулған икки қетимлиқ шәрқий түркистан җумһурийити қурулғанлиқиниң дәл 86 вә 75 йиллиқ хатирә күни өткүзүлүши униң «символлуқ әһмийитини техиму гәвдиләнди» дәп қаралди.

Буниң һарписида америка, канада, австралийә, германийә, түркийә. . . . . . Қатарлиқ дөләтләрдики уйғурлар һәр паалийәтләрни өткүзүп, бу икки җумһурийәтни хатирилигәниди. 12-Ноябир күни өткүзүлгән бүгүнки паалийәт америкада йәрлик һөкүмәтниң рәсмий тәстиқи билән өткүзүлгән тунҗи байрақ чиқириш мурасими болуп, паалийәт бостондики уйғур паалийәтчилириниң тәшәббуси вә илтимаси билән вуҗудқа чиққан.

Пикирләр (0)
Share
Толуқ бәт