Amérikaning boston shehiride sherqiy türkistan bayriqi chiqirildi

Muxbirimiz erkin
2019-11-12
Élxet
Pikir
Share
Print
Amérikaning boston sheherlik hökümet binasining aldida sherqiy türkistanning ay yultuzluq kök bayriqi chiqirildi. 2019-Yili 12-noyabir.
Amérikaning boston sheherlik hökümet binasining aldida sherqiy türkistanning ay yultuzluq kök bayriqi chiqirildi. 2019-Yili 12-noyabir.
Photo: RFA

12-Noyabir küni, amérikaning massachuséts shtatining merkizi boston shehirining hawasi soghuq hem höl-yéghinliq bir kün bolghanidi. Lékin soghuq we yamghurgha qarimay, shu küni chüsh waqti sa'et 12:00 de, boston sheherlik hökümet binasi aldigha toplan'ghan Uyghurlar amérika Uyghurlirining tarixidiki simwolluq ehmiyiti zor bir pa'aliyetni ishqa ashurdi.

Shu küni, massachuséts shtatida olturushluq Uyghurlar, shundaqla amérikaning wirginiye shtatidin kelgen Uyghurlar bolup bir top jama'et, boston sheherlik hökümet binasining aldida sherqiy türkistanning ay yultuzluq kök bayriqini chiqirish murasimi ötküzdi. Ay yultuzluq kök bayraq sherqiy türkistan milliy marshi sadasi bilen boston sheherlik hökümet binasining aldidiki xadida asta-asta örlep, jewlan qilinishqa bashlidi.

Mezkur pa'aliyetning 1933-yili we 1944-yili qurulghan ikki qétimliq sherqiy türkistan jumhuriyiti qurulghanliqining del 86 we 75 yilliq xatire küni ötküzülüshi uning "Simwolluq ehmiyitini téximu gewdilendi" dep qaraldi.

Buning harpisida amérika, kanada, awstraliye, gérmaniye, türkiye. . . . . . Qatarliq döletlerdiki Uyghurlar her pa'aliyetlerni ötküzüp, bu ikki jumhuriyetni xatiriligenidi. 12-Noyabir küni ötküzülgen bügünki pa'aliyet amérikada yerlik hökümetning resmiy testiqi bilen ötküzülgen tunji bayraq chiqirish murasimi bolup, pa'aliyet bostondiki Uyghur pa'aliyetchilirining teshebbusi we iltimasi bilen wujudqa chiqqan.

Toluq bet