Сәдирдин: “аялим лагердин һаят чиқипту, әмма у бизни унтуп кәткәндәк қилиду”

Муйәссәр муһәммәт ханим(солдин иккинчи) лагердин қоюп берилип, атуштики бир кийим тикиш фабрикисида ишләшкә башлиған чағлири. 2018-Йили 8-айлар.

Қазақистанлиқ сәдирдин билән атушта өсүп чоң болған муйәссәр муһәммәт мисирда оқуш җәрянида тонушуп той қилған вә қазақистанда бәхтлик бир аилә қурған. 2016-Йили 9-айда атушта дадисиниң сәвәбсиз тутқун қилинғанлиқини аңлиған муйәссәр 3 балисини еригә қоюп, юртиға қайтқан. Бу чағда у 4-пәрзәнтигә һамилидар иди.

Муйәссәр атушқа қайтқандин кейин лагерға қамалған. Қазақистанда туруп аялиниң әһвали һәққидә мәлумат йәткүзүп келиватқан сәдирдин бу нөвәт бир тонуши арқилиқ муйәссәрниң лагердин өйигә қайтурулғанлиқи вә бир фабрикида ишләватқанлиқидин хәвәр тапқанлиқини билдүрди.

Сәдирдин аялиниң лагердин чиққандин кейин чүшкән сүрәтлирини көрүп чоңқур азабланған. У радийомиз зияритини қобул қилғанда: “аялим лагердин чиқипту, әмма униң йеқинқи сүрәтлири балилиримниң анисиға һеч охшимайду. У худди бизни пүтүнләй унтуп кәткәндәк! . . . ,” деди.

Юқириқи аваз улиништин тәпсилатини аңлиғайсиләр.