Sedirdin: “Ayalim lagérdin hayat chiqiptu, emma u bizni untup ketkendek qilidu”

Muyesser muhemmet xanim(soldin ikkinchi) lagérdin qoyup bérilip, atushtiki bir kiyim tikish fabrikisida ishleshke bashlighan chaghliri. 2018-Yili 8-aylar.

Qazaqistanliq sedirdin bilen atushta ösüp chong bolghan muyesser muhemmet misirda oqush jeryanida tonushup toy qilghan we qazaqistanda bextlik bir a'ile qurghan. 2016-Yili 9-ayda atushta dadisining sewebsiz tutqun qilin'ghanliqini anglighan muyesser 3 balisini érige qoyup, yurtigha qaytqan. Bu chaghda u 4-perzentige hamilidar idi.

Muyesser atushqa qaytqandin kéyin lagérgha qamalghan. Qazaqistanda turup ayalining ehwali heqqide melumat yetküzüp kéliwatqan sedirdin bu nöwet bir tonushi arqiliq muyesserning lagérdin öyige qayturulghanliqi we bir fabrikida ishlewatqanliqidin xewer tapqanliqini bildürdi.

Sedirdin ayalining lagérdin chiqqandin kéyin chüshken süretlirini körüp chongqur azablan'ghan. U radiyomiz ziyaritini qobul qilghanda: “Ayalim lagérdin chiqiptu, emma uning yéqinqi süretliri balilirimning anisigha héch oxshimaydu. U xuddi bizni pütünley untup ketkendek! . . . ,” dédi.

Yuqiriqi awaz ulinishtin tepsilatini anglighaysiler.