Zumret is'haq: “Taratqularda guwahliq bergendin kéyin ata-anam qoyup bérildi”
Hede-singil zulxumar is'haq we zumret is'haq ata-anisining lagérdin qoyup bérilip öyige qayturulghanliqini bildürdi.
-
Muxbirimiz méhriban
2019-05-15 -
-
-
Hazir shiwétsiyede yashawatqan zulxumar is'haq xanimning ata-anisi is'haq peyzulla ependi we zöhre talip xanim toghriliq Uyghur rayoni axbarat ishxanisining chiqarghan uqturushi.
Zulxumar Is’haq teminligen
Your browser doesn’t support HTML5 audio
Xitay hökümet organlirida ishleydighan, kompartiye ezasi bolghan ata-anisiningmu lagérgha qamalghanliqi heqqide ijtima'iy taratqularda ashkara guwahliq bergen hede-singil zulxumar is'haq we zumret is'haq heqqide 12-may küni xongkongda chiqidighan “Jenubiy xitay etigenlik géziti” tide mexsus sin programmisi bérilgen idi. Bu hede-singillardin nyu-yorkta turidighan zumret is'haq radiyomiz ziyaritini qobul qilip, ata-anisining tutqun qilin'ghanliqi heqqide ijtima'iy taratqularda guwahliq bergendin kéyin, bolupmu mezkur xewer xelq'ara taratqularda tarqalghandin kéyin, ata-anisining lagérdin qoyup bérilip öyige qayturulghanliqini bildürdi.