Lagér qurbanliri yéqinlirining pa'aliyetliri türk xelqining qizghin qollishigha érishmekte

Ixtiyariy muxbirimiz azigh
2021-08-06
Share
Lagér qurbanliri yéqinlirining pa'aliyetliri türk xelqining qizghin qollishigha érishmekte "Panorama 1326 muzéyi" da ötküzülgen resim körgezmisining échilish murasimi we bir qisim süretler. 2021-Yili awghust, türkiye.
RFA/Azigh

Xitay hökümiti 2016-yilidin buyan yighiwélish lagéri we xalighanche tutqun qilish siyasitini Uyghur élining herqaysi jaylirida keng qanat yaydurghan bolup, xitay da'irilirining qirghinchiliq siyasiti seweblik nurghunlighan a'ililer parchilan'ghanidi. Lagér qurbanliri yéqinliri bu qétim türkiyening her qaysi sheherlerge bérip, özlirining we a'ililirining béshigha kelgen paji'elerni türk xelqige biwasite anglitishni nishan qilghan. Millet nöwette herikitini bashlap türkiyede zor ghulghula qozghighan lagér qurbanliri yéqinliri 2-awghust küni türkiyening herqaysi sheherliride élip bérishni pilanlighan "Anatoliye sepiri" pa'aliyitini bashlighanidi.

Lagér qurbanliri yéqinliri bursada töt kündin buyan herxil teshwiqat, léksiye we körgezme pa'aliyetlirini teshkillep bursa xelqige Uyghur dawasini anglitishta muhim qedemlerni basmaqta.

Igilishimizche, lagér qurbanliri yéqinlirining bursadiki mezkur pa'aliyetlirini teshkilleshte bursadiki "Yüsüf yüzlüler teshkilati" we mezkur teshkilatning bashliqi weysel ashkin ependim köp küch chiqarghan. Uningdin bashqa bursa osman'gazi rayonluq hökümiti, "Anda", "Kardesh" we "Wafa" qatarliq puqrawi teshkilatlar mezkur pa'aliyetning teshkillinishi üchün her jehettin yardem qolini sun'ghan.

"Anadolu sepiri" de hazirghiche ikki xelq meydani we bir muzéyda resim körgezmisi élip bérilghan bolup, pa'aliyetchiler resim körgezmisi ötküzülgen "Panorama 1326 muzéyi" ning mudiri we xadimlirining mezkur pa'aliyet üchün köp küch chiqarghanliqini éytti.

Uningdin bashqa pa'aliyetchiler xelq meydanlirida we bursaning chong kochilirida Uyghur élida yüz bériwatqan xitayning qirghinchiliq siyasetliri chüshendürülgen teshwiqat waraqlirini tarqatqan we xitayning irqi qirghinchiliq siyasitige qarshi turush üchün imza toplash pa'aliyiti orunlashturghan.

Uningdin bashqa bursa ördekli medeniyet merkizide xitayning qirghinchiliq siyasetlirini chüshendürüshni meqset qilghan léksiye pa'aliyiti ötküzülgen bolup, pa'aliyetke bursadiki ulughdagh uniwérsitétining oqutquchi-oqughuchiliri we bursadiki jama'et erbabliri kélip qatnashqan.

"Anatoliye sepiri" pa'aliyitining teshkilligüchiliridin türkiyediki Uyghur kishilik hoquq pa'aliyetchisi mirzexmet ilyasoghli ependi ziyaritimizni qobul qilip, bir qanche kündin buyan bursada élip bériliwatqan pa'aliyetler heqqide tepsiliy melumat berdi. U yene mezkur pa'aliyetning bursa xelqi teripidin qizghin kütiwélin'ghanliqini, ötküzülgen léksiye pa'aliyetlirining intayin ünümlük bolghanliqini we köpligen ijabiy bahagha érishkenlikini éytti.

Mezkur pa'aliyet jeryanida yene lagér qurbanliri yéqinliri gurupipisidiki ayal pa'aliyetchiler "IHH Insaniy yardem fondi" teripidin orunlashturulghan ayallar yighinigha qatniship, mezkur fondi jem'iyetning ayal xizmetchilirige xitayning Uyghurlargha qaratqan qirghinchiliq siyasetlirini a'ililirining béshigha kelgen paji'eler bilen bille anglatqan.

Lagér qurbanliri yéqinliridin medine nazimi xanim bursada élip bérilghan bezi pa'aliyetler we bursa xelqining Uyghur dawasigha bolghan qizghin pozitsiyesi heqqide tepsiliy melumat berdi.

Lagér qurbanliri yéqinliri guruppisining teshkilligüchiliridin jewlan shirmemet ependim ziyaritimizni qobul qilip, bursa xelqining mezkur pa'aliyetke bolghan qizghinliqidin intayin tesirlen'genlikini éytti we kéyinki pilanliri heqqide toxtaldi.

Lagér qurbanliri yéqinliri teripidin ötken yili 18-dékabir bashlan'ghan "Millet nöwette" pa'aliyiti hazirghiche dawamliship kéliwatqan bolup, mezkur pa'aliyet Uyghur mesilisini türkiyege we dunyagha tonutushta muhim rol oynap kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet