Istanbuldiki xitay konsulxanisi aldigha toplan'ghan Uyghur yashliri tutqundiki a'ile tawabi'atliri heqqide éniq jawab élishni kütmekte

Ixtiyariy muxbirimiz azigh
2020-12-31
Share
Istanbuldiki xitay konsulxanisi aldigha toplan'ghan Uyghur yashliri tutqundiki a'ile tawabi'atliri heqqide éniq jawab élishni kütmekte Istanbuldiki xitay konsulxanisi aldigha toplan'ghan Uyghur yashliri tutqundiki a'ile tawabi'atliri heqqide éniq jawab élishni kütmekte. 2020-Yili dékabir, türkiye.
RFA/Azigh

Bügün, yeni 31-dékabir lagér qurbanliri a'ile tawabi'atlirining istanbuldiki xitay konsulxanisi aldidiki naraziliq pa'aliyitining 10-künidur.

A'ile ezaliri xitay türmilirige yaki yighiwélish lagérlirigha solan'ghan türkiyediki Uyghurlar istanbuldiki xitay konsulxanisidin a'ililiri heqqide éniq izahat bérishni telep qilmaqta.

Lagér qurbanliri a'ile tawabi'atlirining istanbuldiki xitay konsulxanisi aldidiki pa'aliyiti türkiye jem'iyitining we axbarat wasitilirining diqqitini qozghighan bolup, tonulghan zhurnalistlar, dini rehberler we siyasiy partiye wekilliri xitay konsulxanisining aldidiki pa'aliyetke qatniship, özlirining lagér qurbanliri yéqinlirining yénida ikenlikini bildürüshmekte.

Lagér qurbanliri yéqinliridin mirzexmet ilyas'oghli ziyaritimizni qobul qilip, pa'aliyetning intayin ünümlük élip bériwatqanliqini tekitlidi.

Istanbuldiki xitay konsulxanisi aldigha toplan'ghan Uyghur yashliri tutqundiki a'ile tawabi'atliri heqqide éniq jawab élishni kütmekte. 2020-Yili dékabir, türkiye.

Mezkur pa'aliyet türkiye we xelq'araliq axbarat wasitilirining küchlük diqqitini qozghimaqta. Tonulghan zhurnalist we yazghuchi xalis özdemir ependi istanbuldiki xitay konsulxanisi aldidiki bu naraziliq pa'aliyitining türk xelqi we axbaratining jiddiy diqqitini qozghap, köpligen kishilerning bu ishqa köngül bölüshke bashlighanliqini tekitlidi:

"Yighiwélish lagérliri qurbanlirining yéqinliri xitay konsulxanisidin 10 künning yaqi yurtliridiki tutqun qilighan a'ile ezaliri heqqide izahat telep qiliwatidu. Türk xelqi ijtima'iy alaqe wasitiliri we axbarat wasitisi arqiliq ehwaldin xewerdar boluwatidu. Dunyaning bashqa yerliridiki Uyghurlarmu xitay konsulxanisining aldigha bérip, bu xil pa'aliyetni kölemleshtürse, xitaygha küchlük bésim shekillendürgili bolidu. Xitay özlirining insanliqqa yat irqi qirghinchiliqini dunyadin yoshuralaydighanliqigha ishiniwatidu. Emdi ehwalning bundaq bolmaydighanliqini, weziyetning xitaygha paydisiz ikenlikini xitay chüshinishke mejbur."

Istanbul uniwérsitétining oqughuchisi abduraxman muhemmet ziyaritimizni qobul qilip, xitay dölitining özlirige jawab bérish mejburiyitining barliqini tekitlep mundaq dédi:

"Biz xitay pasportini kötürüp, iltimasimizni bérishni kütüwatimiz. Xitayning bizge jawab bérish mejburiyiti bar. Biz xitay bizge jawab bergen'ge qeder pa'aliyitimizni dawamlashturimiz."

A'ile ezaliri xitay teripidin tutqun qilin'ghan türkiyediki Uyghur oqughuchilar we yashlar 18-dékabirdin étibaren xitay konsulxanisi iltimaslirini resmiy yosunda tapshuruwalghan'gha we a'ililiri heqqide izahat bergen'ge qeder her küni konsulxana aldida yighilip xitay hökümitidin jawab kütidighanliqini élan qilghan idi. 10 Kündin buyan istanbuldiki xitay konsulxanisi aldidiki bu pa'aliyet téximu küchlinip dawam qilmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet